පැරිස්හිදීය (ඒ.එෆ්.පී)
 
සිරියාවේ සිවිල් වැසියන් ඉලක්ක කරගනිමින් රසායනික ප්‍රහාර එල්ල කළ පිරිස්වලට එරෙහිව පියවර ගැනීම සඳහා ඇමෙරිකා එක්සත් ජනපද රාජ්‍ය ලේකම් රෙක්ස් ටිලර්සන් ඇතුළු රටවල් 29ක රාජ්‍ය තාන්ත්‍රිකයෝ අද (23) ප්‍රංශයේ පැරිස් නුවරට එක්රැස් වූහ. 
 
ඔස්ට්‍රියාවේ වියානා සහ රුසියාවේ සෝචිහිදි සිරියානු අර්බුදය විසඳීම් අරමුණින් සාකච්ඡා පැවත්වීමට නියමිතව තිබෙන අවස්ථාවක මෙම හමුව පැවත්වේ. ඇමෙරිකා එක්සත් ජනපද රාජ්‍ය ලේකම්වරයා සහ ප්‍රංශ විදේශ අමාත්‍ය ජෝන් යීව්ස් ලේ ඩ්‍රියෝන් මෙම සාකච්ඡාවාරයේ සම සත්කාරත්වය හොබවති. 
 
සිරියානු රජයේ හමුදා කැරැලිකරුවන්ගේ පාලනයේ තිබෙන ඩූමා ප්‍රදේශයට රසායනික අවි භාවිත කරමින් ප්‍රහාරයක් එල්ල කර ඇතැයි වාර්තා වීමත් සමඟ සිරියාවේ රසායනික අවි භාවිතයට එරෙහිව පියවර ගැනීමේ අරමුණින් මෙම හමුව කැඳවන ලදි. 
 
සිරියානු රජයට රුසියාවේ සහ ඉරානයේ සහාය හිමිවන අතර පැරිස් හමුව ආරම්භ වීමට පෙර ඇමෙරිකා එක්සත් ජනපදය සිරියාවේ රජයේ ක්‍රියාකාරකම් පාලනය කරන්නැයි ද රුසියාවට අවධාරණය කළේය. 
 
055