චීනයේ ෂීජියෑන්ග් පළාත හරහා හමාගිය සුළි කුණාටුවක් හේතුවෙන් 32 දෙනකු මියගොස් 16 දෙනකු අතුරුදන්ව ඇතැයි වාර්තා වේ.
 
මෙම සුළි කුණාටුව ලෙකීමා ලෙස නම්කර ඇති අතර එය හමාගිය ප්‍රදේශයේ සිටි මිලියන පහක පමණ පිරිසක් ආරක්ෂිත ස්ථාන කරා යොමුකර ඇත.
 
ෂැංහයි ප්‍රදේශයෙන් පසුගිය සෙනසුරාදා චීනයට ඇතුළු වූ කුණාටුව හේතුවෙන් පැයට කිලෝමීටර් 190 ක පමණ වේගයෙන් සුළං හමාගිය බවද දැඩි වර්ෂාපතනයක් ඇදහැලුණු බවද බලධාරීහු පවසති.
 
වෙන්ෂු නගරයේ සිදුවූ නායයෑමක් හේතුවෙන් බොහෝ පිරිස් මියගොස් ඇති අතර ෂීජියැන්ග් පළාතේ නිවාස 34000 කට පමණ හානි සිදුව ඇතැයි වාර්තා වේ.
 
ෂැංහයි, බීජිං ඇතුළු නගර කිහිපයක ගුවන්ගමන් වාර 3200ක් පමණ අවලංගු කිරීමට ද සිදුව තිබේ.
 
(බීබීසී ඇසුරිණි - 085)