(රොයිටර් ඇසුරෙනි-042)

සෝමාලියානු සරණාගතයින් ගමන් ගත් බෝට්ටුවකට යේමන් වෙරළ තීරයේදී එල්ල වූ ප්‍රහාරයකින් 31 දෙනකු මිය ගොස් ඇතැයි වෙරළාරක්ෂක අධිකාරිය පවසයි. අපාචි හෙලිකොප්ටරයකින් පැමිණි පිරිසක් මෙම ප්‍රහාරය එල්ල කර ඇත.

යේමනයේ සිට සුඩානය දක්වා ගමන් කරමින් තිබූ එම යාත්‍රාවේ සරණාගතයින් පිළිබඳ එක්සත් ජාතීන්ගේ මහකොමසාරිස් කාර්යාලයේ නිල ලිපිගොනු ද තිබී ඇතැයි වෙරළාරක්ෂක නිලධාරී මොහොමඩ් අල්-අලේයි මහතා කීවේය.

යාත්‍රාවේ සිටි සරණාගතයින් 80 දෙනකු බේරාගත් බව යාත්‍රාවේ ප්‍රධානී ඉබ්‍රහිම් අලි සෙයාඩ් මහතා ප්‍රකාශ කළේය. ප්‍රහාරය කළේ කවුරුන්දැයි මේ වන තෙක් සොයාගෙන නැත.