මෙක්සිකෝවේ නැගෙනහිර වැරකෲස් ප්‍රාන්තයේ සමූහ මිනී වළකින් මිනිස් හිස්කබල් 166ක් හමුවී තිබේ.

 

බලධාරීන් පවසන්නේ මේවා වසර දෙකක් තරම් පැරණි ඒවා බවයි. හැඳුනුම්පත් 144ක් පමණ ද මෙම ස්ථානයේ තිබී සොයාගෙන ඇත. 

 

අස්ථි කොටස් හමුවූ ස්ථානය ආරක්ෂක හේතූන් මත ඇතුළු වීමට ඉඩ නොදුන් ප්‍රදේශයක් බවත් මත්ද්‍රව්‍ය ජාවාරම්කරුවන් විසින් මෙම ප්‍රදේශය දිගු කාලයක් තිස්සේ මිනී වළ දැමීම සඳහා යොදා ගෙන ඇති බවත් ඔවුහු තවදුරටත් පවසති. 

 

ආසන්න ස්ථානයක තිබී  2017 වර්ෂයේදී හිස්කබල් 250ක් හමුවිය. 2006 වර්ෂයේ සිට මෙක්සිකෝවේ මත්ද්‍රව්‍ය සම්බන්ධ ප්‍රචණ්ඩ ක්‍රියා ඉහළ ගිය අතර ඒ හේතුවෙන් මේ වන විට 200,000ක පමණ පිරිසක් මියගොස් ඇතැයි වාර්තා වී ඇත.

 

37000ක පමණ පිරිසක් අතුරුදන්ව ඇති අතර ගිය වසරේ පමණක් වාර්තාගත ලෙස 28,702ක් මියගොස් ඇතැයි පැවසේ.

 

(රොයිටර් පුවත් ඇසුරිණි - 085)