මෙක්සිකෝවේ දකුණු දිග ඔහාකා ප්‍රාන්තයෙන් මිය ගිය කැස්බෑවුන් 300ගේ පමණ සිරුරු මාළු දැල්වල පැටලී තිබි හමුවී තිබේ.

මීට දින කිහිපයකට පෙර ආසන්න චියැප්ස් ප්‍රාන්තයෙන්ද මියගිය කැස්බෑ සිරුරු 102ක් හමුවී තිබිණි.

ඔලිව් රිඩ්ලි නම් මෙම කැස්බෑවුන් දැඩි ලෙස වඳවීමේ තර්ජනයට මුහුණ දී සිටින සතුන් කොටසක් ලෙස සැලකේ. මොවුන් බිත්තර දැමීම සඳහා මැයි සිට සැප්තැම්බර් කාලය අතරතුර මෙක්සිකෝවේ වෙරළ තීරයන් වෙත පැමිණෙති.

මොවුන් මියගිය ආකාරය සම්බන්ධව පරීක්ෂණ සිදුවෙමින් පවතින බවත් ඔවුන් දැලට පැටලෙන විටත් මියගොස් සිටියේද යන්න පැහැදිලි නොමැති බව සඳහන් වේ.

විශේෂඥයින් අනුමාන කරන්නේ විෂ ඇල්ගී වර්ගයක් හේතුවෙන් හෝ දැල්වල පැටලීමෙන් හෝ මොවුන් මිය යන්නට ඇති බවයි.

1990 වර්ෂයේ සිට මුහුදු කැස්බෑ දඩයම මෙක්සිකෝවේ තහනම් කර ඇත.

 

(බීබිසි ඇසුරිනි - 085)