මිචිගන් ප්‍රාන්තයේ සරසවියක සිදු වූ පෞද්ගලික ආරවුලක් අතරවාරයේදී කෙරුණු වෙඩි තැබීමකින් පුද්ගලයන් දෙදෙනකු ජීවිතක්ෂයට පත්ව ඇතැයි වාර්තා වේ. 
 

ජීවිත්කෂයට පත්ව ඇති දෙදෙනා සරසවි සිසුන් නොවන බව මේ සම්බන්ධයෙන් නිවේදනයක් නිකුත් කරමින් මිචිගන් ප්‍රාන්තයේ ‘සෙන්ට්‍රල් මිචිගන්’ විශ්ව විද්‍යාලය සඳහන් කළේය. වෙඩි තැබීම සිදු කළ පුද්ගලයා පලාගොස් ඇතැයි වාර්තා වන අතර ඔහු සොයා පොලිසිය පරීක්ෂණ ආරම්භ කර තිබේ. 
 
වෙඩි තැබීමෙන් වෙනත් කිසිවකුට තුවාල සිදු වී නොමැති අතර පෞද්ගලික ආරවුලක් අතරදී මෙම වෙඩි තැබීම සිදුව තිබේ. 
 
වෙඩි තැබීම කළ පුද්ගලයා සොයා පරීක්ෂණ සිදු කෙරෙන බැවින් සරසවිය නැවත දැනුම් දෙන තුරු වසා තබන බව ද එහි පාලනාධිකාරිය නිකුත් කළ නිවේදනයේ වැඩිදුරටත් දැක්විණි. 
 
වෙඩි තැබීම සිදු කර ඇත්තේ 19 හැවිරිදි ජේම්ස් එරික් ඬේවිස් නැමැත්තෙක් බවත් ඔහු සොයා පරීක්ෂණ සිදු කරන බවත් ප්‍රාන්ත පොලිසිය සඳහන් කළේය. මෙහෙයුම් කටයුතු සඳහා හෙලිකොප්ටර් යානා ද යොදාගෙන ඇතැයි පොලිසිය තවදුරටත් සඳහන් කළේය. 
 
ඒ.එෆ්.පී
055