මැදපෙරදිග ඉදිකරන ලද විශාලම දෙව් මැදුර කයිරෝ අගනුවර නැගෙනහිර ප‍්‍රදේශයේදී විවෘත කර ඇත.
 
2016 වර්ෂයේ සිට ඝාතනය වූ 100කට අධික කිතුණුවන් සිහිපත් කරමින් ඊජිප්තු ජනාධිපති අබ්දුල් ෆාටා අල් සිසී මහතා විසින් මෙම දෙව් මැදුර ඉදිකර ඇත. 
 
ජනාධිපතිගේ  ප්‍රධානත්වයෙන් මෙම විවෘත කිරීමේ උත්සවය පැවැත්විණ‍.
 
මෙම දැවැන්ත දේවස්ථානය ඉදිකිරීම සම්බන්ධයෙන් ඊජිප්තු ජනාධිපති  අබ්දුල් ෆාටා අල් සිසී මහතාට ප්‍රශංසා කරන ඇමෙරිකානු ජනාධිපති ඩොනල්ඩ් ට්‍රම්ප් මහතා ඔහු රට වඩාත්  සවිමත් අනාගතයක් කරා ගමන් කරවන බව ට්විටර් පණිවිඩයක් නිකුත් කරමින් කියා සිටී. 
 
අන්තවාදීන්ගෙන් කිතුණුවන් ආරක්ෂා කරන්නා වශයෙන් ද ඊජිප්තු ජනාධිපතිවරයා පෙනී සිටී.
 
නමුත් රටතුළ කිතුණු ජනයාට ප්‍රමාණවත් ආරක්ෂාවක් නොලැබෙන බවට ක්‍රියාකාරීන් සහ විචාරකයන් චෝදනා එල්ල කරති.  
 
කිතුණුවන් ඉලක්ක කරගනිමින් පල්ලිය අසළදී සිදුවූ මාරාන්තික බෝම්බ පිපිරීමෙන් පසු ප්‍රදේශය පුරා විශේෂ ආරක්ෂාවක් යොදවා තිබූ අතර මෙම උත්සවය අවස්ථාවේ ද පල්ලිය අසළ ආරක්ෂාව තර කර තිබුණි.
 
(ඒ එෆ් පී ඇසුරෙනි)

 
(63226)