බෝකෝහරාම් ත්‍රස්තයන් විසින් පැහැරගෙන යන ලදැයි සැලකෙන පාසැල් දැරියන් 110දෙනා සෙවීමේ කටයුතු තවදුරටත් පුළුල් කිරීම සඳහා අමතර භට කණ්ඩායම් යොදවා ඇතැයි නයිජීරියානු රජය පවසයි.

ඊසානදිග යෝබේ පළාතේ ඩැප්චි නගරයේ පාසලකට පසුගිය 19වනදා ජිහාදි කණ්ඩායම් බලහත්කාරයෙන් ඇතුළු වී සිදුකල කලබලකාරී ක්‍රියාවන්ගෙන් පසුව මෙම දැරියන් අතුරුදන් වූ බව සඳහන් විය.

මෙය නයිජීරියානු රජයෙන් පාලනය වන විද්‍යා හා තාක්ෂණික පාසලක් වන අතර පහරදීම් සිදුවන අවස්ථාවේ දැරියන් අසල පිහිටි වන රොදකට පලාගොස් ඇති බව පැවසේ.

ඩැප්චි නගරයේ ප්‍රධාන හමුදා මුරපොළ කිහිපයක් ඉවත් කරගැනීම හේතුවෙන් ත්‍රස්තවාදීන්ට පහසුවෙන් නගරයට පැමිණීමට හැකිවූ බවට දෙමාපියන්ගෙන් නයිජීරියානු ආරක්ෂක අංශ වෙත චෝදනා එල්ල වෙමින් පවතින බව මාධ්‍ය වාර්තා කර ඇත.


(බීබීසී ඇසුරිණි - 085)