දකාර්හිදීය (ඒ.එෆ්.පී)
 
ලොව පුරා පාසල් නොයන දරුවන්ගේ අධ්‍යාපනය සඳහා මුදල් උපයාගැනීමේ අරමුණින් සමුළුවක් සෙනගාලයේදී අද (2) ආරම්භ විය.අධ්‍යාපනය සඳහා වන ගෝලීය හවුල්කාරීත්වය සංවිධානය මෙම සමුළුව සංවිධානය කරන ලදි. 
 
සෙනගාල ජනාධිපති මැකී සැල් සමඟ ප්‍රංශ ජනාධිපති එමානුවෙල් මැක්රෝන් සමුළුවේ සම සත්කාරකත්වය හොබවති. ලෝ ප්‍රකට ගායිකා රිහාන් සමුළුවේ ගෝලීය සන්නාම තානාපතිනිය ලෙස කටයුතු කරන්නීය. 
 
 
සංවර්ධනය වෙමින් තිබෙන රටවල සහ වෙනත් කටයුතු සඳහා ප්‍රංශ රජය සිය අයවැයෙන් කොටසක් ආධාර මුදල් ලෙස වෙන් කරයි. ඉන් සියයට 2.5ක් වෙන් කරන්නේ අධ්‍යාපනයය වෙනුවෙන් යැයි ප්‍රංශයේ සංවර්ධනය ආයතනය සඳහන් කරයි. 
 
දකාර්හි පැවත්වෙන සමුළුවට විවිධ රටවල්, පෞද්ගලික සමාගම් ඇතුළු පාර්ශව රැසක් සහභාගී වී තිබෙන අතර ඉදිරි වසර තුනක කාලයේදී ලොවපුරා සිටින දරුවන් මිලියන 870කගේ අධ්‍යාපනය වෙනුවෙන් එක්සත් ජනපද ඩොලර් බිලියන 3.1ක් උපයාගැනීමට බලාපොරොත්තු වේ. 
 
 
දරිද්‍රතාව, යුද ගැටුම් හා සිවිල් යුද්ධ, සමාජ බාධක, දැරිවියන්ට අධ්‍යාපනය සීමා කිරීම යනා දි විවිධ කරුණු හේතුවෙන් පාසල් වයසේ පසුවන් දරුවන් සහ තරුණයන් මිලියන 264කට ආසන්න සංඛ්‍යාවකට අධ්‍යාපනය නොලැබෙන බව එක්සත් ජාතීන්ගේ ළමා අරමුදල සඳහන් කරයි. 
 
055