සෝමාලියාවේ මොගඩිෂු අගනුවර සිදුවු ද්විත්ව කාර් බෝම්බ ප්‍රහාරයකින් අවම වශයෙන් 18 දෙනෙකු මියගොස් ඇතයි එරටින් වාර්තාවේ. මෙම පිපිරුම් දෙකම සිදුවී ඇත්තේ එරට ජනාධිපති මන්දිරය අවට ප්‍රදේශයකයි.


මෙම ප්‍රහාරයේදී විශාල ශබ්දයක් ඇසී ඇති බවට වාර්තා පලවන අතර මියගිය අයට අමතරව 20 දෙනෙකු පමණ තුවාල ලබා ඇතයිද වාර්තාවේ.දැනට ලැබෙන වාර්තාවල සදහන්වන්නේ ජනාධිපති මන්දිරයට ආසන්න පසුපස ප්‍රදේශයක සහ හෝටලයක් අසල මෙම බෝම්බ පුපුරා ගොස් ඇති බවයි.


.මෙම ප්‍රහාරයේ වගකීම අල් ෂබාබ් ත්‍රස්ත සංවිධානය විසින් බාරගෙන ඇත. සෝමාලියානු රජය විසින් මෙම සිද්ධියට දිනකට පෙර මොගඩිෂු නගරයට බෝම්බ අවදානම් නිවේදනයක් නිකුත්කොට තිබුනි.


මොගඩිෂු නගරය නිතර බෝම්බ ප්‍රහාර වලට ලක්වන අතර මෙම සිද්ධිය සිදුවූයේ මාස ගනනාවක නිහැඩියාවකින් පසුවයි.පසුගිය දෙසැම්බර් මාසයේ එහි සිදුවු බෝම්බ ප්‍රහාරයකින් පොලිස් නිලධාරීන් 18 දෙනෙකු මියගිය අතර එහි වගකීමද අල් ෂබාබ් සංවිධානය බාරගෙන තිබුනි. එසේම පසුගිය වසරේ සිදුවු එවැනිම ප්‍රහාරයකින් 512 දෙනෙකු මියගිය අතර එය එරට සිදුවු දරුණුතම ප්‍රහාරය වේ.

- 222