දකුණු අප්‍රිකාවේ ප්‍රිටෝරියාහි සිදුවූ දුම්රිය අනතුරකින් සිව්දෙනකු මියගොස් 600කට අධික පිරිසක් තුවාල ලබා ඇතැයි වාර්තා වේ.

මගී දුම්රිය දෙකක් මුහුණට මුහුණ ගැටීමෙන් අනතුර සිදුවී ඇත.

මේ වන විට එම මාර්ගයේ දුම්රිය ධාවනය තාවකාලිකව  නතර කර ඇත.

අවදානම් තත්ත්වයේ පසුවූ තුවාලකරුවන් දෙදෙනකු ගුවන් මගින් රෝහල වෙත ගෙනගොස් ඇති අතර තවත් 10දෙනකු පමණ බරපතල ලෙස තුවාල ලබා ඇතැයි බලධාරීහු පවසති. 

මියගිය සංඛ්‍යාව තවදුරටත් ඉහළ යෑමට ඉඩ ඇති බව ද පැවසේ.

සිදුවීම සම්බන්ධයෙන් විමර්ෂණ කටයුතු ආරම්භ කර ඇත.

දුම්රිය මඟීන්ගේ ප්‍රවාහන පහසුකම් සඳහා බස් රථ ධාවනයේ යොදා ඇත. 

දකුණු අප්‍රිකාවේ දුම්රිය අනතුරු බහුලව සිදුවන අතර පසුගිය වසරේ පමණක් 495දෙනකු දුම්රිය අනතුරු හේතුවෙන් මියගොස් ඇතැයි සඳහන් වේ.

(බීබීසී ඇසුරිණි - 085 , 63226)