(ඉස්තාන්බුල් (ඒ.එෆ්.පී)

හමුදා කුමන්ත්‍රණයත් සමඟ පැනවූ හදිසි නීතිය බදාදා, එනම් අද (18) සිට ඉවත් කිරීමට තුර්කි රජය තීරණය කර ඇත. 

වසර 2016 දියත් කෙරුණු අසාර්ථක හමුදා කුමන්ත්‍රණයත් සමඟ හදිසි නීතිය පැනවීමට තුර්කි ජනාධිපතිවරයා පියවර ගත්තේය. හදිසි නීතිය ඉවත් කළත් රජය දැඩි නීතිරීති පනවනු ඇතැයි එරට විපක්ෂ කණ්ඩායම් බිය පළ කරයි. 

හමුදා කුමන්ත්‍රණය සිදු වී දින පහකට පසු එනම් 2016 වසරේ ජූලි 20 වැනිදා හදිසි නීතිය ක්‍රියාත්මක කිරීමට තුර්කි ජනාධිපති රෙජෙබ් තායිප් ඇර්දොවාන් පියවර ගත්තේය. තුර්කි ජනරජය පෙරළා දමමින් බලය අල්ලා ගැනීමට දරන ලද උත්සාහයේදී අන්කාරා නුවරට ප්‍රහාරක යානා බෝම්බ ප්‍රහාර ද එල්ල කළේය. හමුදාවේ කොටසක් දියත් කරන මෙම හමුදා කුමන්ත්‍රණයෙන් 249 ට ජීවිත අහිමි විය. 

සාමාන්‍යයෙන් මාස තුනක කාලයකට හදිසි නීතිය පැනවුවද 2016 වසරේ ජූලි 20 වැනිදා පැනවූ හදිසි අවස්ථා හතකදී දීර්ඝ කළ අතර එම කාලයේදී 80,000කට ආසන්න පිරිසක් දේශද්‍රෝහී චෝදනා මත රඳවා ගැනුණි. රාජ්‍ය අංශයේ රැකියාවල නිරත වූ එම සංඛ්‍යාව මෙන් දෙගුණයකට ආසන්න පිරිසක් රැකියාවලින් නෙරපා දමන ලදි. 

ඇමෙරිකා එක්සත් ජනපදයේ ජීවත්වන ෆෙතුල්ලා ගුලාන් මෙම අසාර්ථක කුමන්ත්‍රණයේ මහමොළකරු යැයි තුර්කි රජය චෝදනා කළ අතර කුර්දි ක්‍රියාකාරීන් සහ වාමාංශිකයන් ද ඒ පිටුපස සිටි බවට ද තුර්කි රජය චෝදනා කරයි. 

කුර්දි හිතවාදී ‘පීපල්ස් ඩිමොක්‍රටික්’ පක්ෂයේ නායකයන් ෆිගෙන් යුක්සෙක්දා සහ සෙලහතීන් දෙමිර්තාෂ් යන 2016 වසරේ නොවැම්බර් මාසයේ සිට තවමත් සිරභාරයේ පසුවෙති. කුර්දි සටන්කාමීන් සමඟ සබඳතා පැවැත්වූ බවට ඔවුන්ට චෝදනා එල්ල වී තිබේ. 


(055)