ලබන සතියේ ඇරඹීමට නියමිතව ඇති එක්සත් ජාතීන්ගේ මහා මණ්ඩල සැසිවාරයට මියන්මාරයේ නිල නොලත් නායිකා අවුන් සාන් සුඛීට සහභාගි වීමට ඉඩ නොලැබෙනු ඇතැයි වාර්තා වේ.

රෝහින්ග්‍යා අර්බුදය නිරාකරණය කරගැනීමට මියන්මාරය අපොහොසත්වීම හමුවේ එක්සත්ජාතීන්ගේ සංවිධානයේ විරෝධය ඔවුන් වෙත එල්ල වී තිබීම මෙයට හේතු විය හැකි බව විචාරකයෝ පවසති. 
රෝහින්ග්‍යා වැසියන්ට රැකවරණය ලබා නොදීම සම්බන්ධව අවුන් සාන් සුචී ද දෝශ දර්ශනයට ලක්විය. 
සමුළුව නිව්යෝර්ක් නුවරදී පැවැත්වීමට නියමිතව ඇත.
මියන්මාරයේ රඛයින් ප්‍රාන්තයේ ක්‍රියාත්මක කළ හමුදා මෙහෙයුම් හේතුවෙන් රෝහින්ග්‍යා වැසියන් 370000ක් පමණ අසල්වැසි බංග්ලාදේශය වෙත පලා ගියහ. කෙසේ වෙතත් තමන් වෙත එල්ල වී ඇති චෝදනා ප්‍රතික්ෂේප කරන මියන්මාර රජය පවසන්නේ හමුදාව මෙහෙයුම් ක්‍රියාත්මක කළේ රෝහින්ග්‍යා කැරළි කරුවන්ට එරෙහිව බවයි. 
මේ අතර රෝහින්ග්‍යා වැසියන්ට සිදුවී ඇති අසාධාරණය සම්බන්ධයෙන් සාකච්ඡා කිරීම සඳහා එක්සත්  ජාතීන්ගේ ආරක්ෂක මණ්ඩලය අද(13) රැස්වීමට නියමිතව තිබිණි.

(බීබීසී පුවත් ඇසුරිනි - 085)