ග්වාතමාලාවේ, ෆුවෙගෝ ගිනි කන්ද පුපුරායෑමෙන් 25දෙනකු මියගොස් සිය ගණනක් තුවාල ලබා ඇතැයි වාර්තා වේ.
 
ග්වාතමාලා නගරයට කිලෝමීටර් 40ක් දුරින් පිහිටි ගිණි කන්දෙන් කළු දුම් සහ අලු පිටවෙමින් පැවති අතර හදිසියේම අසල පිහිටි ගම්මානයක් වෙත ලාවා ගලා ඒම නිසා නිවෙස් තුළ සිටි පුද්ගලයන් බොහෝ දෙනකු පිළිස්සී මියගොස් ඇතැයි එරට ආපදා කළමණාකරන කාර්යාංශය පවසයි. මියගිය අය අතර දරුවන් කිහිපදෙනෙක් ද  සිටින බව වාර්තා වී ඇත.
 
කන්දෙන් අලු පිටවීම හේතුවෙන් ග්වාතමාලා නගරයේ පිහිටි ගුවන් තොටුපළද වසා දමා ඇති අතර ජනාධිපතිවරයා විසින් රටතුළ  හදිසි තත්ත්වයක් ද ප්‍රකාශයට පත් කර ඇත. 
 
බොහෝ පිරිසක් ආපදාවට පත්වී ඇති අතර කන්දෙන් පිටවන අලු සහිත දුමාරය අනතුරුදායක වියහැකි බැවින් මුවවැසුම් පැළඳගෙන සිටින ලෙස ජනතාවට උපදෙස් දී ඇත. 1974 වර්ෂයෙන් පසු සිදුවූ දරුණුම පිපිරීම මෙය බව බලධාරීහු පවසති.
 
(බීබීසී ඇසුරිනි - 085)