මේවනවිට අත්අඩංගුවේ පසුවන 35 හැවිරිදි හමුදා නිලධාරියෙකු විසින් ඝාතනය කළ කාන්තාවන් කිහිපදෙනකුගේ සිරුරු සොයා සයිප්‍රස් පොලිසිය සෝදිස මෙහෙයුම් ආරම්භ කර ඇත. 
 
නිකොසියා අගනුවරට බටහිරින් පිහිටි ස්ථාන කිහිපයක් මේ වනවිට සෝදිසි කර ඇති අතර එහි තිබී කාන්තාවන් තිදෙනකුගේ සිරුරු සොයාගත් බව පොලිසිය පවසයි.
 
මෙම පුද්ගලයා විසින් කාන්තාවන් හත්දෙනකු සහ ගැහැණු දරුවන් කිහිපදෙනකු ඝාතනය කළ බව පිළිගෙන ඇත.
 
සිරුරු දෙකක් පතලක තිබී සොයාගෙන ඇත. ඔවුන් දෙදෙනා පිලිපීන ජාතික කාන්තාවන් වන බවද අනෙක් කාන්තාව ඉන්දියානු හෝ නේපාල ජාතික වියහැකි බවද පොලිසිය සඳහන් කරයි.
 
පොලිසිය වැඩිදුරටත් පවසන්නේ දැරියන් දෙදෙනකු ඇතුළු තවත් හතර දෙනකුගේ සිරුරු සොයා සෝදිසි කරන බවයි.
 
(බීබීසී ඇසුරිණි - 085)