ඊජිප්තුවේ ලක්සර් නගරයේදී සංචාරකයින් රැගත් උණුසුම් වායු බැලූනයක් කඩා වැටීමෙන් එක් අයෙකු මියගොස් තවත් කිහිපදෙනෙක් තුවාල ලබා ඇතැයි වාර්තා වේ. මියගොස් ඇත්තේ දකුණු අප්‍රිකානු ජාතිකයෙකු බවත් අනතුර සිදුවන අවස්ථාවේ බැලූනයේ 20දෙනකු ගමන් කර ඇති බවත් බලධාරීහු පවසති. 
 
තුවාල ලැබූ දෙදෙනකුගේ තත්ත්වය බරපතල බවද වාර්තා වී ඇත.දකුනු අප්‍රිකානු, ආජන්ටිනා,ස්පාඤ්ඤ සහ ඊජිප්තු සංචාරකයන් වායු බැලූනයේ ගමන් කර ඇත.පෞරාණික නගරයක් වන ලක්සර් වලට ඉහලින් ගමන් කරමින් තිබූ බැලූනය දැඩි සුළං හේතුවෙන් කඳුකර පෙදෙසකට ගසාගෙන ගොස් ඇති බව පැවසේ. 
 
නයිල් නිම්නයේ පිහිටි ලක්සර් නගරය සංචාරක ආකර්ෂණීය නගරයක් ලෙස දිගු කාලයක සිට ප්‍රසිද්ධව පවතින අතර බැලූන් මගින් පියාසර කිරීම මෙහි ජනප්‍රිය අංගයකි.
 
(බීබීසී පුවත් ඇසුරිණි - 085)