මුර සංචාරයේ යෙදී සිටි ආරක්ෂක අංශ මෝටර් රථ පෙළකට නැගෙනහිර ඇෆ්ගනිස්තානයේදී එල්ල වූ මරාගෙන මැරෙන බෝම්බ ප්‍රහාරයකින් විදෙස් සොල්දාදුවන් තිදෙනකු ජීවිතක්ෂයට පත්වූ බව ‘නේටෝ’ සංවිධානය අද (5) නිවේදනය කළේය.
 
ඇෆ්ගනිස්තාන හමුදා සමඟ මුර සංචාරවල යෙදී සිටි ‘නේටෝ’ හමුදා රථ පෙළකට මෙම මරාගෙන මැරෙන බෝම්බ ප්‍රහාරය එල්ල වී තිබේ. 
 
ප්‍රහාරයෙන් ඇමෙරිකා එක්සත් ජනපද සොල්දාදුවකු සහ ඇෆ්ගනිස්තාන සොල්දාදුවන් දෙදෙනෙකු තුවාල ලැබූ බව නේටෝ සංවිධානය නිවේදනයන් නිකුත් කරමින් සඳහන් කළ ද මියගිය විදෙස් සොල්දාදුවන්ගේ රටවල් අනාවරණය නොකළේය.
 
නිවේදනයක් නිකුත් කරමින් තලේබාන් සංවිධානයේ ප්‍රහාරයේ වගකීම බාරගෙන තිබුණි. 
 
ඇමෙරිකා එක්සත් ජනපදය ප්‍රමුඛ නේටෝ හමුදා 2014 වසරේ දී ඇෆ්ගනිස්තානයේ මෙහෙයුම් අවසන් කළ අතර එරට සිටි හමුදා බොහෝමයක් නැවත කැඳවාගන්නා ලදි. එහෙත් පුහුණ සහ ත්‍රස්ත විරෝධී මෙහෙයුම් දියත් කිරීම සඳහා සොල්දාදුවන් 16,000ක් ආසන්න පිරිසක් තවමත් ඇෆ්ගනිස්තානයේ රැඳි සිටිති.  
 
ඒ.එෆ්.පී 
055