ඇමරිකාවේ ටෙක්සාස් ප්‍රාන්තයේ එල් පැසෝ නගරයේදී පුද්ගලයකු කළ වෙඩිතැබීමක් හේතුවෙන් 20දෙනකු මියගොස් 26දෙනකු තුවාල ලබා ඇත.

සැකකරු පැට්‍රික් කෘෂියස් නම් 21හැවිරිදි අයෙකු බවත් ඔහු අත්අඩංගුවට ගත් බවත් පොලිසිය පවසයි. 

ඇමරිකා මෙක්සිකෝ දේශසීමාව ආසන්නයේදී මෙම වෙඩිතැබීම කර ඇත.  

මියගිය අයගේ අනන්‍යතාවය මෙතෙක් හෙළිකර නැති නමුත් මෙක්සිකෝ ජනපතිවරයා පවසා ඇත්තේ මියගිය අය අතර මෙක්සිකෝ ජාතිකයින් තිදෙනකු සිටින බවයි.

මෙය මෑත ඉතිහාසයේ ඇමරිකාවේ සිදුකළ මාරාන්තිකම ප්‍රහාරයක් ලෙස සඳහන් වේ.

මේ සම්බන්ධව ප්‍රකාශයක් නිකුත් කරමින් ඇමරිකානු ජනපතිවරයා පවසා ඇත්තේ එය බියසුළුකම පෙන්නුම් කරන ක්‍රියාවක් බවයි. අහිංසක ජනතාව ඝාතනය කිරීම කිසිම නිදහසට කරුණකින් නිවැරදි කළ නොහැකි බවද ඔහු වැඩිදුරටත් සඳහන් කර ඇත.
 
(බීබීසි ඇසුරිණි - 085)