බීජිංහිදීය (රොයිටර්)
 
දේශීය මූල්‍ය ව්‍යාපාරවල විදෙස් හිමිකාරීත්ව සීමාව ඉහළ නංවන බව චීන රජය  නිවේදනය කරයි. 
 
මේ අනුව ගෝලීය මූල්‍ය සේවා වෙළෙඳපොළේ ආසියාවේ දැවන්තයා වන චීනය විදෙස් ආයෝජකයන්ට එරට තුළට පැමිණීමට වැඩි අවස්ථාවක් ලබා දී තිබේ.
 
ඇමෙරිකා ජනාධිපතිවරයා චීනයේ සංචාරය කර දිනකට පසු එරට නියෝජ්‍ය මුදල් අමාත්‍ය ෂූ ගුවැන්ගුයෝ එම තීරණය නිවේදනය කළේය. ඇමෙරිකා ජනාධිපතිවරයා චීන ජනාධිපතිවරයා හමු වූ අවස්ථාවේදී චීන වෙළෙඳපොළ වෙත ප්‍රවේශවීම සඳහා නිසි හා යහපත් ක්‍රමවේද සකසන්නැයි නැවත නැවත ප්‍රකාශ කර ඇත.
චීනයේ මෙම නව තීරණය විදෙස් ව්‍යාපාර ප්‍රජාවෙන් යහපත් ප්‍රතිචාර ලැබී තිබෙන අතර කෙසේ නමුත් චීනය ඒ සම්බන්ධයෙන් නව නීති ප්‍රකාශයට පත් කරන තුරු විමසිල්ලෙන් සිටින බව ද ප්‍රකාශ කර තිබේ.  
 
‘චීනය එරට මූල්‍ය ක්ෂේත්‍රය ලිහිල් කිරීම සඳහා ගන්නා ඕනෑම තීරණයක් සෑම විටම සතුටෙන් පිළිගන්නවා‘ යැයි චීන රජයේ නව තීරණය සම්බන්ධයෙන් අදහස් දක්වමින් ජේ.පී මෝගන් සමාගමේ ප්‍රකාශකයෙක් පැවැසීය. 
 
ඇමෙරිකා ජනාධිපතිවරයාගේ චීන සංචාරයේදී දෙරට අතර වෙළෙඳාම අසාධාරණ යැයි ඇමෙරිකාවේ සමාගම් සඳහා චීන වෙළෙඳපොළට ප්‍රවේශ වීමට නිසි, යහපත් හා සාධාරණ ක්‍රමවේදයක් සකසන්නැයි ජනාධිපති ඩොනල්ඞ් ට්‍රම්ප් චීන ජනාධිපති ෂී ජින්පින්ග්ගෙන් ඉල්ලා තිබිණි.
 
055