ඩැනැන්ග් (රොයිටර්)
 
අන්තර් ශාන්තිකර හවුල්කාරීත්වයේ රටවල් 11 නායකයන්ගේ හමුව සැලසුම් කළ පරිදි සිදු නොවූ බව බලධාරීහූ අද (10) ප්‍රකාශ කළහ.
 
වියට්නාමයේ පැවැත්වෙන ආසියා ශාන්තිකර ආර්ථික සහයෝගීතාවයේ සමුළුවට සමගාමීව අන්තර් ශාන්තිකර හවුල්කාරීත්වයේ රටවල නායකයන්ගේ හමුවක් පැවැත්වීමට කටයුතු යොදා තිබිණි. ඇමරිකා එක්සත් ජනපදය අන්තර් ශාන්තිකර හවුල්කාරීත්වයෙන් ඉවත් වීමත් සමඟ එය තවදුරටත් පවත්වාගෙන යෑම සම්බන්ධයෙන් සාකච්ඡා කිරීමට එම හමුවේ අරමුණ වී තිබිණි.
 
“හමුව සැලසුම් කළ පරිදි පැවැත්වුණේ නැහැ. තව කළ යුතු කටයුතු කිහිපයක් තිබෙනවා. දැනට එම කටයුතු සිදුවෙනවා” යැයි කැනඩා නිලධාරියෙක් පැවැසීය.
 
අන්තර් ශාන්තිකර හවුල්කාරීත්වයේ රටවල වෙළෙඳ අමාත්‍යවරුන් බ්‍රහස්පතින්දා (9) මුණ ගැසී සාකච්ඡා පැවැත්වූ අතර එහිදි කුමක් හෝ ගිවිසුමකට එළැඹුණේ ද යන්න සම්බන්ධයෙන් තොරතුරු වාර්තා නොවීය.  ප්‍රතිපත්තිමය එකඟතාවක් ඇති කළ බව ජපානය නිවේදනය කළ ද කැනඩාව ඒ සම්බන්ධයෙන් විරෝධතාව ප්‍රකාශ කර තිබූ බව ද වාර්තා විය.
055