ගිනිගෙන දැවුණු ඓතිහාසික නොත්රදාම් දේවස්ථානය ප්රතිනිර්මාණය කිරීම සඳහා ප්රංශය ජාත්යන්තර ගෘහ නිර්මාණ ශිල්පීන්ට විවෘත ආරාධනයක් කළේය.
ඉකුත් සඳුඳා (15) සිදු වූ ව්යවසනයෙන් වසර සියවස් ගණනක් පැරැණි නොත්රදාම් දේවස්ථානයේ වහළ සහ දේවස්ථානයේ කුලුන සම්පූර්ණයෙන් විනාශයට පත්විය. ගින්නෙන් විනාශ වූ කොටස් ප්රතිනිර්මාණය කිරීමේදී නොත්රදාම් දේවස්ථානයේ කුලුන පැවැති සම්ප්රාදයික ආකාරයටම නිර්මාණය කරන්නේ ද නැතහොත් ඊට නූතන ගෘහ නිර්මාණ ශිල්පයේ ලක්ෂණ එකතු කරමින් නිර්මාණය කරන්නේ ද යනුවෙන් ද ප්රංශය ලෝකයෙන් විමසීය.
ප්රංශයේ ජාතික සංකේතයක් මෙන්ම පැරිස් නුවර හදවත බඳු වූ නොත්රදාම් දේවස්ථානය වසර පහක් ඇතුළත නැවත ගොඩනගන බව ද එරට ජනාධිපති එමානුවෙල් මැක්රෝන් ප්රංශ ජනතාවට සහ ලෝකයට පොරොන්දුවක් දුන්නේය.
කෝටිපතියන්, ජාත්යන්තර සමාගම්, දේශීය සමාගම්, දානපතිනයන් ඇතුළු විශාල පිරිසක් දේවස්ථානය නැවත ගොඩනැගීමට මූල්ය සහ විශේෂ සහාය ලබාදීමට පොරොන්දු වී තිබෙන අතර පෙරේදා (17) වනවිට දේවස්ථානය නැවත ගොඩනැගීමේ කටයුත්ත වෙනුවෙන් යූරෝ මිලියන 900ක් මුදලක් ලැබෙන බව වාර්තා විය.
මීට වසර 200කට පෙර 12 වැනි සියවසේ මැද භාගයේදී ඉදි කෙරුණු නොත්රදාම් දේවස්ථානය 1800 මැද භාගයේදී ප්රතිසංස්කරණයකට ලක්විය. එම ප්රතිසංස්කරණවල ප්රධාන ගෘහ නිර්මාණ ශිල්පියා වූ ඉයුජීන් වියෝලේ ල දියුක් ප්රතිසංස්කරණවලදී දේවස්ථානයේ වහළයට කුලුන එක් කරන ලදි.
“දේවස්ථානය ප්රතිනිර්මාණය කිරීමේදී කුලුන පැවැති අයුරින්ම නිර්මාණය කරනවාද නැතහොත් නව ආරකින් ඉදි කරනවාද කියා බලන්න ඕනේ. ජාත්යන්තර තරගයක් පැවැත්වීමෙන් අපට ඊට පිළිතුරු සොයාගන්න පුළුවන්” ප්රංශයේ අගමැති එඩුවාඞ් පිලිපේ පැවැසීය.
“කුලුන පැවැති අයුරින්ම ඉදි කරනවාද ? නැතහොත් නොත්රදාමයේ කුලුන අපේ යුගයේ තාක්ෂණය සහ අභියෝග විදහා දැක්වෙන අයුරින් ඉදි කරනවාද ?” යන ප්රශ්නයට පිළිතුරු සොයාගත යුතු බව ද හෙතෙම කීය.
රොයිටර් ඇසුරිනි
055
ලොව විශාලතම ප්රජාතන්ත්රවාදී මැතිවරණ ක්රියාදාමය ලෙස සැලකෙන ඉන්දීය මහ මැතිවරණය අද (19) උදෑසන 7 ට ඇරැඹිණි
ඉන්දුනීසියාවේ ‘රුවන්ග්’ ගිනි කන්ද පුපුරා යෑමට පටන් ගත්තේය. ඉන්දුනීසියාව දූපත් සමූහයකින් සුසැදි රාජ්යයක් වන අතර, ‘රුවන්ග්’ ගිනි කන්ද පිහිටා ඇත්තේ, උ
රුසියන් යුක්රේන යුද්ධයේ දී යුක්රේන ප්රහාරවලින් මේ වනවිට රුසියන් සෙබළු 50,000 ක් මියගොස් ඇතැයි බ්රිතාන්යයේ බීබීසි පුවත් සේවය පවසයි.
මාලදිවයින ජනාධිපති මොහොමඞ් මුයිසුට දූෂණ වංචා චෝදනා එල්ල වී ඇති අතර, එම චෝදනා මුල්කොට ගනිමින් ජනාධිපතිවරයාට එරෙහිව දෝෂාභියෝගයක් ගෙන ඒමට මාලදිවයින විප
ලොව විශාලතම ප්රජාතන්ත්රවාදී මැතිවරණ ක්රියාදාමය ලෙස සැලකෙන ඉන්දීය මහ මැතිවරණය හෙට (19) ආරම්භ වෙයි. ඉන්දීය පාර්ලිමේන්තුව නියෝජිත මන්ත්රී මණ්ඩලයකින
ඉරානයට එරෙහිව කවත් සම්බාධක පැනවීමට බලාපොරොත්තු වන බව ඇමෙරිකාව සහ යුරෝපා සංගමය පවසයි.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
නොත්රදාම් දේවස්ථානය ප්රතිනිර්මාණය කරන්න ගෘහ නිර්මාණ ශිල්පීන්ට ආරාධනයක්