පකිස්ථානයේ කසූර් දිස්ත්‍රික්කයේ අවුරුදු හතක දැරියක් දූෂණය කර ඝාතනය කළ සැකකරුවන් අත්අඩංගුවට ගැනීම ප්‍රමාද වීමට විරෝධය පලකරමින් පොලිසියට එරෙහිව  සිදුකල විරෝධතා වලදී දෙදෙනකු මියගොස් ඇතැයි වාර්තා වේ. 
 
විරෝධතාකරුවන්  පොලිසියට ගල් ප්‍රහාර එල්ල කල බව ද ඔවුන් පාලනය කිරීමට අහසට වෙඩි තැබූ බවද පොලිසිය පවසයි.
 
සයිනැබ් අන්සාරී නම් මෙම දැරියගේ දේහය ඇය අතුරුදන් වි දින හතරකට පසුව කසූර් නගරයේ කසලගොඩක තිබී පොලිසිය සොයා ගන්නා ලදී.

කසූර් දිස්ත්‍රික්කයේ පසුගිය අවුරුද්දක කාලයක් ඇතුලත පැහැරගෙන ගොස් දූෂණය කර මරාදැමුනු දොළොස්වැනි දැරිය සයිනැබ් බව පොලිසිය පවසයි.
 
තරුණයෙකු දැරිය රැගෙන යන සීසීටීවී දර්ශන ලැබී ඇති බවත් සැකකරු ඉතා ඉක්මනින් අත්අඩංගුවට ගැනීමට හැකිවනු ඇති බවත්  පොලිසිය තවදුරටත් පවසා ඇත.සයිනැබ්ගේ සිද්ධිය මේ වනවිට  සමාජ මාධ්‍ය හරහා ලොවපුරා විවේචනය වෙමින් පවතින බව මාධ්‍ය වාර්තා කරයි.
 
(රොයිටර් ඇසුරිණි - 085)