නැවතී තිබෙන රජයේ ඇතැම් කටයුතු යථා තත්ත්වයට පත් කිරීම සඳහා ඩිමොක්රටික් පක්ෂය එළැඹෙන සතියේදී නව පනත් කෙටුම්පතක් සම්මත කරගන්නා බව ඇමෙරිකා එක්සත් ජනපද නියෝජිත මන්ත්රී මණ්ඩලයේ කතානායිකා නැන්සි පෙලොසි ප්රකාශ කළාය.
ඇමෙරිකා එක්සත් ජනපද ජනාධිපති ඩොනල්ඞ් ට්රම්ප් සහ ඩිමොක්රටික් පක්ෂය අතර ඇති වී තිබෙන මතභේදාත්මක තත්ත්වය හේතුවෙන් එරට රජයේ කටයුතු හරි අඩකට වඩා වැඩි ප්රමාණයක් අකර්මණ්ය වී තිබේ.
ඇමෙරිකා එක්සත් ජනපදය සහ මෙක්සිකෝ දේශසීමාව අතර ඉදි කෙරෙන තාප්පයට මුදල් වෙන් නොකරන්නේ නම් තමන් කිසිදු පනත් කෙටුම්පතකට අත්සන් නොකරන බව ඇමෙරිකා ජනාධිපතිවරයා අවධාරණය කර ඇත. එහෙත් එම තාප්පයට කිසිදු මුදලක් වෙන් නොකරන බවත් එසේ දේශසීමාවේ තාප්පයක් ඉදි කිරීම අශිෂ්ට හා ආචාර ධාර්මික නොවන ක්රියාවක් බවත් ඩිමොක්රටික් පක්ෂය ප්රකාශ කරයි.
මේ තත්ත්වය හේතුවෙන් සති තුනක් මුළුල්ලේ ඇමෙරිකා එක්සත් ජනපදයේ රජයේ කටයුතු අඩකට වැඩි ප්රමාණයක් නැවැතී තිබෙන අතර රාජ්ය සේවකයන් සිය දහස් ගණනකට වැටුප් ද ගෙවා නොමැත.
මේ සම්බන්ධයෙන් ට්රම්ප් පරිපාලනයේ සාමාජිකයන් සහ ඩිමොක්රටික් පක්ෂයේ සාමාජිකයන් අතර සාකච්ඡාවක් සෙනසුරාදා (5) පැවැත්වුණු නමුත් එම සාකච්ඡා අසාර්ථක විය.
නැවතී තිබෙන රජයේ කටයුතු නැවත ආරම්භ කිරීම සඳහා පසුගිය සිකුරාදා ඩිමොක්රටික් පක්ෂය පනත් කෙටුම්පතක් සම්මත කරගත් අතර එයින්ද ඇමෙරිකා-මෙක්සිකෝ දේශසීමාවේ තාප්පය ඉදි කිරීමට මුදල් වෙන් කර තිබුණේ නැත.
ඇමෙරිකා-මෙක්සිකෝ දේශසීමාවේ තාප්පය ඉදි කිරීම සඳහා ඇමෙරිකා ජනාධිපතිවරයා එක්සත් ජනපද ඩොලර් බිලියන 5.6ක මුදලක් ඉල්ලා ඇත.
ඇමෙරිකා එක්සත් ජනපද කොංග්රසය කොටස් දෙකකින් සමන්විත අතර නියෝජිත මන්ත්රී මණ්ඩලයේ බහුතරය හිමිව ඇත්තේ ඩිමොක්රටික් පක්ෂයටයි. කතානායිකා නැන්සි පෙලොසි නියෝජනය කරන්නේ ද එම පක්ෂයයි.
සෙනසුරාදා පැවැති සාකච්ඡා අසාර්ථක වූ බැවින් මේ සතියේදී නැවතී තිබෙන රජයේ කටයුතු නැවත ආරම්භ කිරීම සඳහා කෙටිකාලීන පියවර ගත හැකි පනත් කෙටුම්පතක් සම්මත කරගැනීමට ඩිමොක්රටික් පක්ෂය කටයුතු කරන බව කතානායිකා නැන්සි පෙලොසි සඳහන් කළාය. භාණ්ඩාගාර දෙපාර්තමේන්තුවෙන් සහ ආදායම් බදු සේවාවෙන් එම පියවර ගන්නා බව ද ඇය කීවාය.
“මේක කරන්න ඕනේ. එතකොට ඇමෙරිකාවේ ජනතාවට ඔවුන්ගේ බදු අරමුදල් නියමිත පරිදි ලැබෙනවා” යැයි ඇය පැවැසුවාය.
රොයිටර් ඇසුරිනි
055
ජනප්රිය කන්නඩ චිත්රපට නිළියක වන හර්ෂිකා පූණාචා සහ ඇගේ සැමියා ට කිසියම් කිරිසක් කරදර කර ඇතැයි ඉන්දීය මාධ්ය පවසයි.
උතුරු කොරියාවේ පාසල් දරු දැරියන් එක් වී, උතුරු කොරියා නායක කිම් ජොන් උන් අගයමින් ගැයූ ගීයක්, නායක කිම් ජොන් උන්ගේ ‘නිල ගීතය’ බවට පත් වී ඇතැයි උතුරු කොරි
ඉරානයට මිසයිල සහ ඩ්රෝන ප්රහාරය එල්ල කිරීමට ප්රථම ඇමෙරිකාවට ඊශ්රායලය ඒ බව දැනුම් දුන් බව පැවැසෙයි. කෙසේ නමුත් තමන් ඉරානයේ ඉලක්ක වෙත ප්රහාරයක් එල්
පාකිස්තානයේ පළාත් රැසකට මහ වැසි ඇද හැලෙයි. මහ වැසි සහ අකුණු අනතුරු හේතුවෙන් 87 දෙනකු ජීවිතක්ෂයට පත්ව ඇති බවත්, 82 දෙනකු තුවාල ලබා ඇති බවත් පාකිස්තාන ජාතික
ලොව විශාලතම ප්රජාතන්ත්රවාදී මැතිවරණ ක්රියාදාමය ලෙස සැලකෙන ඉන්දීය මහ මැතිවරණය අද (19) උදෑසන 7 ට ඇරැඹිණි
ඉන්දුනීසියාවේ ‘රුවන්ග්’ ගිනි කන්ද පුපුරා යෑමට පටන් ගත්තේය. ඉන්දුනීසියාව දූපත් සමූහයකින් සුසැදි රාජ්යයක් වන අතර, ‘රුවන්ග්’ ගිනි කන්ද පිහිටා ඇත්තේ, උ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඩිමොක්රටික් පක්ෂය නව පනත් කෙටුම්පතක් සම්මත කර ගැනීමට යයි