ආහාර සහ ඖෂධ ඇතුළු මානුෂීය ආධාර රැගත් ට්රක් රථවලට වෙනිසියුලාවට පැමිණීමට අවසර දෙන්නැයි ඉල්ලමින් එරට විපක්ෂයේ ආධාරකරුවන් අද (12) වීදිවලට පැමිණීමට නියමිත බව විදෙස් මාධ්ය වාර්තා කරයි.
වෙනිසියුලාවේ විපක්ෂ නායක යුවාන් ගුවයිඩෝ ආණ්ඩුක්රම ව්යවස්ථාවේ ප්රතිපාදනවලට අනුව තමන් එරට අන්තර්වාර ජනාධිපතිවරයා යැයි ප්රකාශ කර සති තුනකට පසු එම රැළි පැවැත්වීමට නියමිතය.
වෙනිසියුලාවේ ජනාධිපති නිකලොස් මදුරෝ පසුගිය වසරේ දී ජනාධිපති ධුරයට නැවැත තේරී පත්වීම වංචාවක් යැයි චෝදනා කරමින් විපක්ෂ නායක යුවාන් ගුවයිඩෝ ජනවාරි මාසයේදී තමන් වෙනිසියුලාවේ අන්තර්වාර ජනාධිපතිවරයා යැයි ප්රකාශ කළේය.
ඇමෙරිකා එක්සත් ජනපදය ඇතුළු බටහිර රටවල් රැසක් යුවාන් ගුවයිඩෝ වෙනිසියුලාවේ ජනාධිපතිවරයා ලෙස පිළිගෙන ඇති නමුත් රුසියාව සහ චීනය ඊට විරෝධය පළ කර ඇත. මදුරෝට රුසියාවේ සහ චීනයේ සහාය හිමිවන අතර වෙනිසියුලාවේ ආරක්ෂක අංශ සහාය දක්වන්නේ ද ජනාධිපති නිකොලස් මදුරෝටය.
විපක්ෂ නායක යුවාන් ගුවයිඩෝගේ ඉල්ලීම පරිදි වෙනිසියුලාවට ආධාර එවීමට බටහිර රටවල් එකඟත්වය පළ කළ අතර ඒ ප්රවාහන පහසුකම් සපයන බව ඇමෙරිකා එක්සත් ජනපදය නිවේදනය කළේය.
කෙසේ නමුත් වෙනිසියුලාවේ කිසිදු අර්බුදයක් නැතැයි ද ඇමෙරිකාව රටට හමුදාව එවීමට සූදානම් වන බව ද මදුරෝ කීවේය. අසල්වැසි රටවලින් වෙනිසියුලාවට ඇතුළු විය හැකි සියලු ස්ථාන අවහිර කිරීමට මදුරෝ පියවර ගත්තේය. ඒ අනුව ආධාර රැගත් ට්රක් රථ අසල්වැසි කොලොම්බියාවේ රැඳී සිටින බව ද වාර්තා වේ.
“අපි වීදිවලට පැමිණෙනවා. මානුෂීය ආධාරවලට රට තුළට පැමිණීමට ඉඩ දෙන්නැයි ඉල්ලමින් අපි වීදිවලට පැමිණෙනවා. වෙනිසියුලා ජාතිකයන් 300,000කගේ ජීවිත ආරක්ෂා කළ හැකි මානුෂීය ආධාර රැගත් ට්රක් රථවලට රටට පැමිණීමට නොහැකි වී තිබෙනවා” යැයි යුවාන් ගුවයිඩෝ ට්විටර් පණිවුඩයක් නිකුත් කරමින් සඳහන් කළේය.
රොයිටර් ඇසුරිනි
055
ඉන්දුනීසියාවේ ‘රුවන්ග්’ ගිනි කන්ද පුපුරා යෑමට පටන් ගත්තේය. ඉන්දුනීසියාව දූපත් සමූහයකින් සුසැදි රාජ්යයක් වන අතර, ‘රුවන්ග්’ ගිනි කන්ද පිහිටා ඇත්තේ, උ
රුසියන් යුක්රේන යුද්ධයේ දී යුක්රේන ප්රහාරවලින් මේ වනවිට රුසියන් සෙබළු 50,000 ක් මියගොස් ඇතැයි බ්රිතාන්යයේ බීබීසි පුවත් සේවය පවසයි.
මාලදිවයින ජනාධිපති මොහොමඞ් මුයිසුට දූෂණ වංචා චෝදනා එල්ල වී ඇති අතර, එම චෝදනා මුල්කොට ගනිමින් ජනාධිපතිවරයාට එරෙහිව දෝෂාභියෝගයක් ගෙන ඒමට මාලදිවයින විප
ලොව විශාලතම ප්රජාතන්ත්රවාදී මැතිවරණ ක්රියාදාමය ලෙස සැලකෙන ඉන්දීය මහ මැතිවරණය හෙට (19) ආරම්භ වෙයි. ඉන්දීය පාර්ලිමේන්තුව නියෝජිත මන්ත්රී මණ්ඩලයකින
ඉරානයට එරෙහිව කවත් සම්බාධක පැනවීමට බලාපොරොත්තු වන බව ඇමෙරිකාව සහ යුරෝපා සංගමය පවසයි.
රුසියන් ජනාධිපති ව්ලැදිමීර් පුටින්, ඉරාන ජනාධිපති ඊබ්රහීම් රයිසි ඇමතුවේය. ඊශ්රායලය සමඟ ඇතිකරගත් අර්බුදය තවත් උත්සන්න වීමට ඉඩ නොතබන්නැයි රුසියන් ජ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇමෙරිකා ආධාර ගන්න අවසර දෙන්නැයි ඉල්ලා වෙනිසියුලාවේ විපක්ෂයේ ආධාරකරුවෝ විදී බසිති