ඇමරිකාවේ පාසලකට වෙඩි තැබීමෙන් සිසුන් දෙදෙනෙක් මරුට

ඇමරිකාවේ කෙන්ටකි ප්‍රාන්තයේ උසස් පාසලක සිදුවූ විවෘත වෙඩි තැබීමකින් සිසුන් දෙදෙනකු මියගොස් 17දෙනකු තුවාල ලබා ඇතැයි වාර්තා වේ.

බෙන්ටන් නගරයේ මාෂල් කන්ට්‍රි උසස් පාසලේ සිදුව ඇති මෙම අනතුරින් 15හැවිරිදි දැරියක් එම ස්ථානයේම මියගිය බවත් තවත් 15 හැවිරිදි පිරිමි දරුවකු රෝහල් ගත කිරීමෙන් පසු මියගිය බවත් කෙන්ටකි ආණ්ඩුකාරවරයා පවසයි.

පොලිසිය පවසන්නේ වෙඩිතැබීම සිදු කලේයැයි සැකපිට 15 හැවිරිදි පිරිමි දරුවකු අත්අඩංගුවට ගත් බවයි.

සැකකරු විනාඩි 15ක පමණ කාලයක් පාසලේ විවෘත ස්ථායක වෙඩි තැබීම සිදුකර ඇති බවත් ඒ සඳහා පිස්තෝලයක් භාවිතා කර ඇති බවත් වාර්තා වී ඇත. සැකකරු තම අනන්‍යතාවය හෙළිකර නැතැයි පොලිසිය පවසයි.

(රොයිටර් පුවත් ඇසුරිණි - 085)

අදහස් (3)

ඇමරිකාවේ පාසලකට වෙඩි තැබීමෙන් සිසුන් දෙදෙනෙක් මරුට

Perakum Wednesday, 24 January 2018 09:02 AM

මෙවැනි සිද්ධීන්ට අනවශ්‍ය ප්‍රචාරයක් දීම සුදුසු යයි නොසිතමි. ගිනි අවි නිදහස ඇති රටක්ලෙස ඇමෙරිකාවේ පවතින ගිනි අවි සංස්කෘතිය අප රටේ තරුණ පරපුර උන්මාදයක් කොට නොගත යුතුය. ඒ සඳහා සියලු ජන මාධ්‍ය විශේෂ අවධානයකින් ක්‍රියා කල යුතුය.

: 0 138

AsankaThursday, 25 January 2018 11:15 AM

උන්මාදයක් කරගන්නේ කොහොමද ලංකාවේ ගිනි අවි ලෙහෙසියෙන් ගන්න බැහැනේ අවසර ලැබෙන්නේ ඉතාමත් සීමිත පිරිසකට පමණයි. අක්කර විශාල ගණනක ගොවිපලක් හිමි මට බැරිවුණා වගා ආරක්ෂාවට ෂොට් ගන් එකක් ලබාගන්න. ඇමරිකාවෙත් ටෙක්සාස් මුලිකව ප්‍රාන්ත කිහිපයක පමණයි ගිනි අවි බලපත් අවසර ලැබෙන්නේ.

: 10 2

PerakumFriday, 26 January 2018 05:38 AM

නීත්‍යානුකුලව ගිනි අවි ලබාගන්න අමාරු බව ඇත්ත. ඔබට ෂොට් ගන් එකක් නෙවෙයි ටී 56ක් උනත් ගන්න පුළුවන් අද රටේ. සල්ලි විතරයි ඕන. එවැනි ගිනි අවි යොදාගෙන කරන දරුණු අපරාධ ගැන නිතර මාධ්‍ය වලින් දැනගන්න ලැබෙනවා.

: 0 1