ලෝකෙන් ටිකක්
නේපාල ජාතික කඳු නගින්නෙක් හා හිටපු බ්රිතාන්ය මැරින් හමුදා සෙබළෙකු වන නිර්මල් පුර්ජා මාස හයකින් ලෝකයේ උසම කඳු 14ම තරණය කරමින් නව ලෝක වාර්තාවක් තබා ඇත. ඔහුට පෙර එම වාර්තාවට හිමිකම් කීවේ දකුණු කොරියාවේ කිම් - චන්ග් හෝ ය. ඔහුට ඒ සඳහා ගත වූ කාලය වසර හතක්, මාස 11ක් හා දින 14කි.
සාමාන්ය කඳු නගින්නෙකුට වසර ගණනාවක් ගත වෙන මෙම භාරදූර කාර්යය සඳහා නිර්මල් හට ගත වී තිබෙන්නේ දින 189කි. ඔහු ලෝකයේ තිබෙන මීටර් 8000ට වඩා උස් කඳු මුදුන් 14ම තරණය කළේය.
2003 දී බ්රිතාන්ය හමුදාවට බැඳුණු ඔහු 2009 දී රෝයල් මැරීන් සෙබළෙකු බවට පත් විය. 2018 දී ඔහු රාජකීය සම්මානයකින් පවා පිදුම් ලැබුවේය.
නිර්මල් ඔහුගේ කඳු තරණ මෙහෙයුම ඇරඹුවේ අප්රේල් මාසයේ නේපාලයේ සිට ය. එවරස්ට් කන්ද තරණය කළේ මැයි මාසයේ දීයි. එවරස්ට් කඳු මුදුනේ කඳු නගින්නන්ගේ අධික තදබදයක් තිබෙන ඡායාරූපයක් ගෙන තිබුණේ ද ඔහු ය.
නේපාලයේ අන්නපූර්ණා, ධවුලගිරි, කන්චෙන්ජුන්ගා, එවරස්ට්, ලොට්සේ, මකාලු, පකිස්තානයේ නංගා ප්රභාත්, ගැෂෙර්බ්රම් 1 හා 2, කේ 2, බ්රෝඩ් පීක්, චීනයේ චෝ ඔයු, නේපාලයේ මනස්ලූ හා අවසන් වශයෙන් චීනයේ ෂිෂාපන්ග්මා යන කඳු තරණය කරන ලදී. අප්රේල් මාසයෙන් ඇරඹි කඳු තරණ මෙහෙයුම අවසන් වූයේ ඔක්තෝබර් 29 වෙනි දා ය.
මෙවැනි ඉතා උස් කඳු නැගීමේ දී මොළයේ හා පෙණහලුවල තරල එක් රැස්වීම, නොයෙකුත් ආසාදනවලට ලක්වීම හා තවත් රෝගාබාධ රැසක් ඇති වීමට ඉඩ කඩ ඇත. කඳු තරණයේ දී අතරමං වී සිටි කඳු නගින්නන් සිවු දෙනෙක් බේරා ගැනීමට ද නිර්මල් හට හැකියාව ලැබිණි.
අප්රේල් 23 වෙනි දා අන්නපූර්ණ කන්දේ සිට පහළට බසින අතරතුර කණ්ඩායම මග හැරී, ආහාර, ජලය හෝ ඔක්සිජන් ටැංකියක් නැතිව පැය 40ක් සිටි ආචාර්ය චින් වුයි කින් බේරාගැනීමට ද ඔහු කටයුතු කළේය. මැයි 15 වෙනි දා කන්චෙන්ජුන්ගා කන්දේදී අතරමංව සිටි තවත් කඳු නගින්නන් දෙදෙනෙකු බේරා ගැනීමට නිර්මල් හා කණ්ඩායම සමත් වූහ.
නේපාලයේ ධවුලගිරි පෙදෙසේ, මීටර් 1600කටත් වැඩි උස් කඳුකර කලාපයක උපත ලැබූ නිර්මල්, හැදී වැඩුණේ චිත්වාන් හි ය. 2003 දී බ්රිතාන්ය හමුදාවට බැඳුණු ඔහු 2009දී රෝයල් මැරීන් සෙබළෙකු බවට පත් විය. 2018 දී ඔහු රාජකීය සම්මානයකින් පවා පිදුම් ලැබුවේය.
ඔහු කඳු නගින්නෙක් ලෙස කීර්තියට පාත්ර වූයේ මීටර් 8000ට වඩා උස් කඳු තරණය කිරීමට පටන් ගත් පසුවයි. නොනවත්වා පැය 48ක් තුළ ලෝකයේ උසම කන්ද වන එවරස්ට්, ලොට්සේ හා මකාලු යන ලෝකයේ සිවු වැනි හා පස් වැනි උසම කඳු මුදුන් ද තරණය කළේය.
මින්ග්මා ඩේවිඩ් ෂර්පා, ගල්ජෙන් ෂර්පා සහ ගෙස්මන් තමාන් යන අය ඔහුගේ කඳු තරණ කණ්ඩායමේ සාමාජිකයන් වූහ.
කඳු නගින්නන්ගේ ලෝකයේ කිරුළ දිනාගැනීම ලෙස සැලකුණේ හිමාල කඳුවැටියේ තිබෙන මීටර් 8000ට වඩා උස කඳු දැවැන්තයන් සියල්ල තරණය කිරීමයි. පළමු වරට එම කඳු සියල්ල තරණය කර වාර්තාවක් තැබුවේ රෙයින්හෝල්ඩ් මෙස්නර් විසින්, 1987 වර්ෂයේ දී ය. එම තරණයත් සමඟ ඔක්සිජන් සැපයුමක් නොමැතිව එතරම් උස කඳු නැගි පළමු මනුෂ්යයා ලෙස ද මෙස්නර් ඉතිහාසගත විය.
මීටර් 8000ට වැඩි කඳු ලෝකයේ දැවැන්තයින් තරණය කළ පළමු බ්රිතාන්යයා වීමේ ගෞරවය දිනාගත් ඇලන් හින්ක්ස් මෙම නේපාල තරුණයා ගැන ප්රශංසාත්මකව කතා කරයි. කඳු තරණය සඳහා ඔහුට වසර 15ක් පමණ ගත වී තිබේ.
අන්තර්ජාලය ඇසුරිනි.
නිසංසලා දිසානායක
හීන් නෝනා දියණිය දෙස බැලුවේ කරදර දෑසිනි. දුරකථනය හරහා ආවේ සුබ පණිවිඩයක් නොවන බැව් ඇගේ මුහුණ කියා පෑවේය. “කවුද කතා කෙරුවේ..?” හීන් නෝනා විමසුවාය. “අයිය
මෙවර U Tube ලෝකය තුළින් ඉරිදා ලංකාදීපයෙන් කතාබහ කරන්න හිතුවේ සමාජ මාද්ය ඔස්සේ අතිශය ජනප්රිය Girls Voice Band එකක් පිළිබඳව. ඒ Yellow Beats කණ්ඩායම කුෂිනි ප්රවින්ද්යා, දි
ශ්රී ලංකාවේ පබලු භාවිතය පිළිබඳ පුරාණතම සාධක අයත් ෙවන්නේ ප්රාග් ඓතිහාසික යුගයටය. ක්රි.පූ. (900-600) අතර මුල් යුගයේදී ජනතාව පබලු භාවිතය සුලබව සිදුකොට ඇති
හින්දු පුරාණයට අනුව විෂ්ණු දෙවි යනු ලොව සුරකින්නාය. ලෝකයේ තිර පැවැත්ම පිණිසත්, ධර්මය රැකීමටත්, අදමිටුවන් විනාශ කිරීමටත් වරින්වර විෂ්ණු ලොව පහළවන බව මහ
මසින් ලෙයින් නිර්මිත මසැසට භෞතික ලෝකයේ බොහෝ සංසිද්ධි දැක ගත හැකි වුවත් ඉන් එහා ඇති අවිඥාණික දේ පෙනෙන්නේ නැත. භූගත පෘෂ්ඨ වංශික ඇතැම් සතුන් හැරුණු විට සෙ
සිත්තම්ගල ගල් ලෙන බලන්නට මී ආතා “බරින්දු” එක්ක ගෙන ගියේ ගැල් කරත්තයෙන්ය. “අපේ රැහේ උන් තමයි දරුවෝ මෙතන නැණපිල පටන් ගෙන සාහිත රස බෙදුවේ.” එදා මී ආතා කී ක
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මාස හයෙන් ලෝකයේ උසම කඳු 14ම නැග්ග කෙනෙක්