ලෝකෙන්
ටිකක්
පියයුරු පිළිකාව හා සටන් කර ජීවිතය බේරාගත් පිහිනුම් ශූරියක වන සාරා තෝමස්, අඛණ්ඩව පැය 54ක් පුරා සිවු වරක් ඉංග්රීසි ඕඩය තරණය කර පිහිනමින් ලෝක වාර්තා බිඳ දැමීමට සමත් වූවාය.
37 වැනි වියේ පසුවෙන ඈ ඇමරිකානු ජාතික කාන්තාවකි. මෙම ලෝක වාර්තාව තබන්නට ඈ පෙළඹුණේ පිළිකා රෝගවලින් පෙළෙන්නන්ට මානසික ශක්තියක් ලබාදීම පිණිසයි. එම පිහිනුම් සැරිය පිළිකාවෙන් ගැලවුණු අය සහ පිළිකාව වැළඳුණු අය පිණිස කැප කරන බව ඈ පැවසුවාය.
“මේ ගමන සිය ජීවිත උදෙසා යාච්ඤා කළ, ඊළඟට සිදුවෙන්නේ කුමක්දැයි කලකිරීමෙන් යුතුව බලා සිටින, වේදනාව හා බිය ජයගැනීමට සටන් කරන අයවලුන් වෙනුවෙන් වේවා.... දුෂ්කරම අවස්ථාවලදී අප සමඟ සිටි පවුලේ සාමාජිකයන් හා ඥාතීන් වෙනුවෙන් වේවා... ”
අප්රතිහත ධෛර්යය නිසා ඇය පිහිනුම් ලෝකයේ විශිෂ්ටයන්ගේ ඇගයීමටද පාත්ර වූවාය. උත්තරධ්රැවය හරහා පළමු වරට පිහිනූ ලුවිස් පග් ඇය අගයමින් කතා කළේ, සීතල, ජෙලි මත්ස්යයන්, අධික වෙහෙස, ආත්ම විශ්වාසය හා මනස ඒකාග්රව තබා ගැනීම යන අභියෝග පහ ඈ ජයගෙන ඇති බව සඳහන් කරමිනි.
මෙම වාර්තාව තබමින් ඇය ඉංග්රීසි ඕඩය හරහා නොනවත්වා පිහිනූ පළමු කාන්තාව බවට පත් වූවාය. වාර්තාව තැබීම ඇරඹුණේ බ්රිතාන්යයේ ඩෝවර් වරායෙනි. අවසන් වූයේ එක්සත් රාජධානියේ දකුණු වෙරළ තීරයෙනි. පිහිනුම් සැරිය අතරතුර ශක්තිය ලබා ගැනීම සඳහා ඉලෙක්ට්රෝලයිට අධික ප්රෝටීන පාන වර්ග හා කැෆේන් ලබාගත් බවත්, ජෙලි මසුන් මුහුණට පහරදුන් අත්දැකීම බියකරු බවත් ඈ සඳහන් කළාය. ඈ සැලසුම් කළ පරිදි මුළු දුර සැතපුම් 80ක් වුවත්, ප්රබල දියවැල් හේතුවෙන් ඇයට සැතපුම් 130ක් පමණ දුර පිහිනන්නට සිදු විය.
සීතලට හා කාලගුණයට මනාව සූදානම්ව සිටියද, මුහුණ දෙන්නට සිදුවූ විශාලම අභියෝගය ලවණ ජලය නිසා උගුර, තොල් හා දිව වේලී වේදනා දෙන්නට වීම බවත් ඈ පවසන්නීය.
මෙය ඇගේ පළමු ලෝක වාර්තාව නොවේ. 2012 වසරේදී ඇය ලෝකයේ නැව් ගමන් මාර්ග ඔස්සේ පිහිනායමින් වාර්තාවක් තැබීමට සමත් වූවාය. 2016දීත් ඇය ඉංග්රිසි ඕඩය තරණය කරමින් පිහිනා ඇත.
තෝමස්ගේ මෙවර ඉතිහාසගත පිහිනුම් අත්දැකීම රූගත කෙරුණු අතර එය සිනමාකරුවෙකු වන ජෝන් වොෂර්ගේ ‘ද අදර් සයිඩ්’ නමැති වාර්තා චිත්රපටයෙන් ප්රදර්ශනය කිරීමටද නියමිතය.
අන්තර්ජාලය ඇසුරිනි.
නිසංසලා දිසානායක
හීන් නෝනා දියණිය දෙස බැලුවේ කරදර දෑසිනි. දුරකථනය හරහා ආවේ සුබ පණිවිඩයක් නොවන බැව් ඇගේ මුහුණ කියා පෑවේය. “කවුද කතා කෙරුවේ..?” හීන් නෝනා විමසුවාය. “අයිය
මෙවර U Tube ලෝකය තුළින් ඉරිදා ලංකාදීපයෙන් කතාබහ කරන්න හිතුවේ සමාජ මාද්ය ඔස්සේ අතිශය ජනප්රිය Girls Voice Band එකක් පිළිබඳව. ඒ Yellow Beats කණ්ඩායම කුෂිනි ප්රවින්ද්යා, දි
ශ්රී ලංකාවේ පබලු භාවිතය පිළිබඳ පුරාණතම සාධක අයත් ෙවන්නේ ප්රාග් ඓතිහාසික යුගයටය. ක්රි.පූ. (900-600) අතර මුල් යුගයේදී ජනතාව පබලු භාවිතය සුලබව සිදුකොට ඇති
හින්දු පුරාණයට අනුව විෂ්ණු දෙවි යනු ලොව සුරකින්නාය. ලෝකයේ තිර පැවැත්ම පිණිසත්, ධර්මය රැකීමටත්, අදමිටුවන් විනාශ කිරීමටත් වරින්වර විෂ්ණු ලොව පහළවන බව මහ
මසින් ලෙයින් නිර්මිත මසැසට භෞතික ලෝකයේ බොහෝ සංසිද්ධි දැක ගත හැකි වුවත් ඉන් එහා ඇති අවිඥාණික දේ පෙනෙන්නේ නැත. භූගත පෘෂ්ඨ වංශික ඇතැම් සතුන් හැරුණු විට සෙ
සිත්තම්ගල ගල් ලෙන බලන්නට මී ආතා “බරින්දු” එක්ක ගෙන ගියේ ගැල් කරත්තයෙන්ය. “අපේ රැහේ උන් තමයි දරුවෝ මෙතන නැණපිල පටන් ගෙන සාහිත රස බෙදුවේ.” එදා මී ආතා කී ක
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඉංග්රීසි ඕඩය හරහා පිහිනූ පිළිකා රෝගී දිරිය ළඳ