(හිරාන් ප්රියංකර ජයසිංහ)
අරුවක්කාලු කසළ අංගනයේ ඉදිකිරීම් තවමත් සිදුවෙමින් පවතිද්දී එයට පිට නගරවල සිට කසළ රැගෙන ඒම ගැන තමන් දැඩි විරෝධය පළකරන බව වනාතවිල්ලුව ප්රදේශීය සභාවේ සභාපති එම්. එම්. සමන්ත මුණසිංහ මහතා පැවසීය.
සභාපතිවරයා පවසන්නේ මහ නගර හා බස්නාහිර සංවර්ධන අමාත්යංශය මගින් අරුවක්කාලුව කසළ අංගනය බව පවසමින් සේරක්කුලියේ ඉදි කරමින් පවතින මෙම කසළ අංගනයට දිගින් දිගටම සියලුම දෙනා විරෝධය මතුකරමින් සිටියදී එය නවතා නොදමා මේ වන විට එහි වැඩකටයුතු පවා අවසන් කර නොමැති අවස්ථාවේ පිට පළාත්වල සිට කසළ ගෙනවිත් දැමීම සිදුවන්නේ කසළ රදවනයක සියලුම නීති රීති සහ අණ පනත් උල්ලංඝණය කරමින් බවත් එසේම අදාළ කසල අංගනයේ ඉදිකිරිම් කටයුතු කිසිදු ප්රමිතියකින් තොරව ඉදිවන බවත් ඔහු චෝදනා කරයි.
අරුවක්කාලු කසළ අංගනයට කුලියාපිටිය නගර සභාවේ සිට ප්රථම වරට 26 වැනිදා කසල පිරවු ටිපර් රථයක් පැමිණ තිබූ අවස්ථාවේ සභාපතිවරයා ඇතුළු පිරිසක් එය කසළ අංගනයට රැගෙන යාමට විරෝධය පෑම හේතුවෙන් පසුව වනාතවිල්ලුව පොලිසිය මැදිහත්වී කසල ටිපර් රථය පොලිස් ආරක්ෂාව යටතේ කසළ අංගනය වෙත රැගෙන ගොස් තිබූ බවද ඔහු සඳහන් කළේය.
එසේ රැගෙන ගිය කසළ තොගය ඉදිකරමින් පවතින අංගනයේ දමා ගොස් තිබූ බවද ඔහු කීය.
මේ පිළිබදව අදහස් දක්වමින් වනාතවිල්ලුව ප්රාදේශීය සභා මන්ත්රී බුද්ධික ගිහාන් මහතා මෙසේ පැවැසීය.
“මේ වන විට අපි විරෝධය නගමින් චෝදනා කරපු එවා ඔප්පු වෙමින් පවතිනවා. මොකද කසළ අංගනයේ කටයුතු තවමත් අවසන් නොමැති අවස්ථාවක පිට පළාත් වලින් කසල රැගෙන එම බරපතල ප්රශ්නයක්.
අනික එසේ රැගෙන ආ කසළවල පොලිතින් ඇතුළු දිරන නොදිර සියල්ලම එකට අරන් ඇවිත් තිබුණේ. මෙය අපි නගපු චෝදනා සනාථ කර තිබෙනවා. සභාපතිතුමා එයට විරෝධය පෑම නිසා එම කසල තොගය පස් දමා වසා තිබෙනවා.
මෙයද කසල ප්රතිචක්රිකරනය කියලා අපි ප්රශ්න කරනවා. බලධාරීන්ට අපේ ජීවිත මිනිසුන්ගේ ජීවිත හා මේ පරිසරය ගැන තුට්ටුවකවත් අවධානයක් නැති බව තමයි අපිට දැන් පෙනෙන්නේ.
මේ ආකාරයට කසල රැගෙන එම සිදුවුවහොත් ඒ සඳහා අපි ඉඩ දෙන්නේ නැහැ . නීත්යානුකූලව අපි කටයුතු කරනවා යැයි ඔහු පැවසීය.
මේ පිළිබඳව අදහස් දක්වමින් වනාතවිල්ලුව මිසම භාර ක්රිස්ටි පෙරේරා පියතුමන් ද මේසේ පැවසීය.
“මෙය බරපතලම තත්වයක් අපි නගපු චෝදනා වලට මේ පළමුවෙන් ගෙනාපු කසල ටිපර් එක සාක්ෂී දරනවා. තවමත් ඉදි කිරීම් අවසන් නැති කසල අංගනයකට මෙසේ කසල රැගෙන එම තුලින්ම එහි අසාර්ථකකම පෙන්වා තිබෙනවා.‘‘
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
“අරුවක්කාලු කසළ අංගනයේ වැඩ අවසන් වෙන්නත් කලින් කසළ ගෙනත් දාලා ‘‘