(මොහොමඩ් ආසික්)
බුද්ධ ශාසනය ආරක්ෂා කර පෝෂණය කිරීම සෑම රජයකම වගකීම බවත් එය ආණ්ඩුක්රම ව්යවස්ථාවේ සඳහන්ව ඇති බවත් මහනුවර දිස්ත්රික් එක්සත් ජාතික පක්ෂ නායක සහ පාර්ලමේන්තු මන්ත්රී ලක්ෂ්මන් කිරිඇල්ල මහතා කීය.
පූජාපිටිය උඩමුදුන ශ්රී පූර්වාරාම විහාරස්ථානයේ වසර 95 ක් පුරා පැවැත්වෙන පොසොන් පෙරහැරට අදාළ කෞතුක දෑ තැන්පත් කිරීම සඳහා ඉදි කරනු ලැබූ නව කෞතුකාගාරය අද (23) වැනිදා විවෘත කිරීමෙන් අනතුරුව පැවැති උත්සවයේදී ලක්ෂ්මන් කිරිඇල්ල මහතා මේ බව පැවසීය.
මෙහිදී තවදුරටත් අදහස් දැක් වූ ලක්ෂ්මන් කිරිඇල්ල මහතා මෙසේද කීය.
‘‘බුදුන් වහන්සේ දේශනා කරලා තියෙනවා ප්රතිපත්ති පූජාව වගේම ආමිස පූජාවත් වැදගත් කියලා. වෙහෙර විහාර ශාසනයේ දියුණුවට පෝෂණයට වැදගත්. අපි අසල්වැසි ඉන්දියාව ගත්තොත් අශෝක රජ තුමාගේ කාලයේ වෙහෙර විහාර 84,000 ක් හැදුවා. මුළු ඉන්දියාවම බෞද්ධ රාජ්යයක් හැටියට ප්රසිද්ධ වුණා. නමුත් අද ඉන්දියාවේ බෞද්ධයන් සියයට එකක්වත් නෑ. ඒකට හේතුව තමයි උතුරු ඉන්දියාවෙන් ආව මෝගල් ආක්රමණ හේතුවෙන් විහාරස්ථාන සියල්ල විනාශ කළා.
භික්ෂූන් වහන්සේලාට නේවාසිකව ඉන්න ස්ථානයක් නැති වුණා. භික්ෂූන් වහන්සේලා නැති වීමෙන් ශාසනය පරිහානියට පත් වුණා. නමුත් අපේ රටේ අපි සතුටු වෙන්න ඕන.1505 ඉදලා අවුරුදු 400 ක් යුරෝපීය ජාතින් තුනක් පාලනය කළා.
පෘතුගීසින් ලන්දේසීන් සහ ඉංග්රීසින් එහෙම රට පාලනය කරලත් අපේ රටේ ශාසනය විනාශ කරන්න බැරිවුණා. ශාසනය විනාශ කරන්න බැරිවුණේ අපේ භික්ෂූන් වහන්සේලාගේ ධෛර්යය හේතුවෙන්. යුරෝපීය පාලකයන් අවුරුදු 400 ක් මේ රට පාලනය කරලත් අපේ රටේ ශාසනය ආරක්ෂා කර ගන්න පුළුවන් වුණා.
කවුරු බලයට පත් වුනත් හැම ආණ්ඩුවකම වගකීමක් යුතුකමක් තියෙනවා බුද්ධ ශාසනය පෝෂණය කරන්න.අපේ රටේ ව්යවස්ථාවේත් ඒක සඳහන් වෙලා තියෙනවා.
බෞද්ධාගමට ප්රමුඛස්ථානය දිය යුතුයි කියලා සඳහන් වෙනවා. පසුගිය රජයේ උඩරට උරුමය අමාත්යවරයා ලෙස මට වාසනාව ලැබුණා මේ දිස්ත්රික්කයේ හැම පන්සලකටම වාගේ උදව් කරන්න. එහෙමත් පන්සලක් තමයි අත් ඇරුනේ.
මහාමාර්ග ඇමතිවරයා හැටියටත් උඩරට උරුමය පිළිබඳ ඇමතිවරයා හැටියටත් මම මිලියන 1000 ක් විහාරස්ථානවලට ලබා දුන්නා. මෙහෙම මුදලක් ලැබීම මහනුවර දිස්ත්රික් ඉතිහාසයේම සිද්ධවෙලා නෑ.
ඒ වගේම අපේ හිටපු අගමැතිතුමත් හැම පන්සලකටම වාගේ උදව් කරල තියෙනවා. දැන් නව රජයක් බලයට පත් වුණා. අපි ප්රාර්ථනා කරනවා අපි කරපු ශාසනික වැඩකටයුතු ඉදිරියට ගෙන යන්න ශක්තිය ධෛර්යය ලැබේවා කියලා‘‘ යැයිද මෙහිදී මන්ත්රීවරයා කීය.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘බුද්ධ ශාසනය ආරක්ෂා කිරීම සෑම රජයකම වගකීමක්‘‘