(ඉන්දික අරුණ කුමාර)
නාඋල ප්රාදේශීය ලේකම් කොට්ඨාසයේ - ඕපල්ගල රක්ෂිතයේ සිදුව ඇති වන විනාශයට රාජ්ය බැංකුවක් වගකිවයුතු යැයි නාඋල ප්රාදේශීය ලේකම් ආත්මා ඩිලුක්ෂි ජයරත්න මහත්මිය කියා සිටියාය.
යම් පුද්ගලයකුට භූමියක් ලබාදීමේදී එය නිසි පරිදි නිරවුල් කර ලබාදීම කුමන හෝ ආයතනයක් හෝ පුද්ගලයකුගේ වගකීමක් බව ඇය කියා සිටියාය.
ඕපල්ගල රක්ෂිතයේ වන විනාශයක් සිදුවන බව පවසමින් ඕපල්ගල ප්රදේශවාසීන් හා පරිසර සංවිධාන රැසක් නාඋල දී පැවැත්වූ උද්ඝෝෂණය සම්බන්ධයෙන් මාධ්යයට අදහස් දක්වමින් ප්රාදේශීය ලේකම් ආත්මා ඩිලුක්ෂි ජයරත්න මහත්මිය මෙසේ කීවාය.
එහිදී වැඩිදුරටත් අදහස් දැක්වූ නාඋල ප්රාදේශීය ලේකම් ආත්මා ඩිලුක්ෂි ජයරත්න මහත්මිය මෙසේද කියා සිටියාය.
‘ඕපල්ගල - ආනමලේ වත්ත ප්රදේශයේ පිහිටි අක්කර 96 ක ඉඩමක් රාජ්ය බැංකුවක් විසින් පුද්ලයකුට විකුණා තියෙනවා. එම ඉඩමේ සීමා මායිම් වෙන්කර නොදීමෙන් ඉඩම ලබාගත් හිමිකරු අක්කර 96 ක් වෙනුවට අක්කර 300 ක් පමණ භූමි ප්රමාණයක් අත්පත් කරගෙන තියෙනවා. ඒ සම්බන්ධයෙන් තමන් අදාළ අංශ සියල්ලම දැනුවත් කළා.’
‘ඇත්තටම ඕපල්ගල රක්ෂිතය කියන්නේ ආවේණික සත්ව හා පැළෑටි තියෙන අධි සංවේදී පරිසර පද්ධතියක්. මේ රක්ෂිත සීමාවේ සින්නක්කර ඉඩම් කිහිපයක් තියෙනවා. නමුත් මේ කැලෑවත් වන සම්පතත් ආරක්ෂා කර ගැනීමේ විශාල වගකීමක් අපට තියෙනවා. දැන් ගැටලුව මතුවෙලා තියෙන්නේ රාජ්ය බැංකුව සතුව තියන ඉඩමක් පෞද්ගලික අංශයේ කෙනෙකුට ලබාදීලා තියෙනවා. ඔහු ඉඩම තුළ සංවර්ධන කටයුතු ආරම්භ කරන මුවාවෙන් ඉතා විශාල වන සංහාරයක් සිද්ධ කරනවා.’
මේ සම්බන්ධයෙන් සියලු පාර්ශව අපි දැනුවත් කරලා තියෙනවා. ඉතා වටිනා ස්වභාවික ශාක වලට හානි සිදුවෙලා තියෙනවා. ඒ වාගේම වන සංරක්ෂණ මායිම් සීමාවේ අනවසර මායිම් කණු පවා හිටවලා තියෙනවා. මේ තත්ත්වය තුළ වන සම්පතත් ප්රජාවගේ ප්රශ්නත්, ශාකත් ඒ වගේම අපේ පරිසර පද්ධතියත් ආරක්ෂා කර ගැනීම ප්රාදේශීය ලේකම් හැටියට මට තියෙනවා. ඒ නිසා රාජ්ය බැංකුවේ සාමාන්යාධිකාරි තුමාටම දැනුම් දුන්නා මේ ඉඩමේ පෞද්ගලික අංශයට දුන්නු කොටස හරියට මැනලා අපිට මායිම් නිවැරදිව පෙන්නන්න කියලා.
ඇත්තතටම ඒ අවස්ථාවේදී යහපත් ප්රතිචාර දක්වලා මිනින්දෝරු නිලධාරිනියක් ඒ අවස්ථාවේ ඉඩමට එව්වා. ග්රාම නිලධාරි මහත්මයාවත් මම එතනට යොමු කළා. නමුත් ඒ නිලධාරිනියට මිනුම් කටයුතු කරගන්න මේ ඉඩම් හිමිකරුවා ඉඩ දීලා නැහැ. ඒ නිසා මේ ඉඩමේ අදටත් නිෂ්චිත වශයෙන් මායිම් අදුනගෙන නැහැ.
මේ ඉඩම් හිමිකරුවා මැත දිනයක ඉඩමට පිවිසෙන මාර්ගය ප්රතිසංස්කරණය කරනවා කියලා දැනගන්න ලැබුණා. ඒ අවස්ථාවේදී බැංකුවෙන් ඉල්ලීමක් කලා මේක නවත්වන්න කියලා.
රාජ්ය බැංකුවක් විදිහට මෙච්චර පරිසර හානියක් කරන කෙනෙකුට මේ ඉඩම ලබානොදීමට හැකියාවක් තියෙනවා නම් ඒ සම්බන්ධයෙන් සැළකිලිමත් වෙන ලෙසත් ඉල්ලා සිටින්න කැමතියි.‘ යැයි ද ඇය කියා සිටියාය.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘ඕපල්ගල රක්ෂිතයේ වන විනාශයට රාජ්ය බැංකුවක් වගකිව යුතුයි’