(කාංචන කුමාර ආරියදාස)
ලොකු ලූනූ, වට්ටක්කා , මෑ කරල්, සෝයා බෝංචි ,උඳු , සහ බඩ ඉරිඟු ආදී බෝග වගාවන් රැසක හඳුනා නොගත් රෝගයක් ඇතිවීම හේතුවෙන් දඹුල්ල ප්රදේශය ස්ථාන කිහිපයකම වගාවන් විනාශයට පත්වන බව ගොවීහු පෙන්වා දෙති.
මෙම වගා විනාශයන් පිළිබඳව මෙතෙක් කෘෂිකර්ම බලධාරීන්ගේ හෝ අවධානය යොමුවී නොමැති බවත් මේ හේතුවෙන් එම බෝග වගා කළ ගොවීන් දැඩි අසීරුතාවයකට පත්ව ඇති බව දඹුල්ලේ ගොවීහූ පෙන්වා දෙති.
දේශීය ලොකු ලූනු වගාවේ සාර්ථක ලූනු පැළවල පත්ර පිළිස්සි ලූනු ගස බිමට වැටි එකවරම දින කිහිපයක් තුළ සම්පූර්ණයෙන්ම විනාශ වී යෑම මෙම රෝග වල ලක්ෂණ බවද ඔවුහූ පෙන්වා දෙති.
මෙම රෝගය ලොකු ලූනූ වගාව පුරා ව්යාප්ත වී යාමේ තත්ත්වයක් හට ගෙන තිබෙන බවද ලොකු ලූනු ගොවීන් පෙන්වා දෙන අතර විවිධ කෘමි නාශක වර්ග සහ රසායනික බෙහෙත් වර්ග යෙදුව ද ඊට විසඳුමක් ලැබී නැතැයි ද කියති.
ලොකු ලූනු වගාවේ මීට පෙර මෙවැනි ව්යසනයක් දැක ගැනීමට හැකි වී නැති බවද දේශීය ලොකු ලූනු ගොවීහූ වැඩි දුරටත් කියා සිටිති.
එමෙන්ම උඳු සොයා බොංචි සහ මෑකරල් යන බෝගවල ඉතා සරුසාරව ගස වැඩී ඇතත් ඵලදාව නොමැතිවීම බරපතළ ප්රශ්නයක් පවතින බවද එම ගොවීන් කියයි.
ඇතැම් උඳු වගාවන් ඉතා අලංකාරව ඈතට දිස් වී තිබුණද මල් පිපී එම සැනෙන් සියුම් කරල් හටගෙන පිළිස්සී විනාශ වී යෑමේ තර්ජනයකට මුහුණ පා ඇතැයි එම ගොවියෝ පෙන්වා දෙති.
මෑකරල් වගාවද සරුවට වැවී එක වැලකට එක කරල බැගින් ඵල හට ගෙන තිබීම හේතුවෙන් අස්වැන්න ලබා ගැනීමට නොහැකි වී ඇතැයි දඹුල්ලේ මෑ කරල් ගොවීන්හූ මැසිවිලි නගති.
මීට අමතරව බොහෝ වගාවන් වලට මේ තත්ත්වය බලපා ඇති බව ද එළවළු ගොවීන් පෙන්වා දෙන අතර වට්ටක්කා ගොවීන් කියා සිටියේ පත්ර සියල්ල කහපාටට හුරු වී ගෙඩි හට ගැනීමකින් තොරව මල් පිපී විනාශ වී යන බව ය.
තම අත කනකර බඩු උගසට තබා බොහෝ බලාපොරොත්තු ඇතිව වගාකළ වගාවන් මේ වන විට ඉතා සරුවට වැඩී ඵල දැරීම කින් තොරව තිබීම නිසා දැඩි කනස්සල්ලට පත්ව ඇති බව දඹුල්ලේ ගොවීහු වැඩි දුරටත් කියා සිටිති.
මෙම රෝග තත්ත්වයන් මීට පෙර තම වගාවන් හිදී දැක නොමැති බවත් මේ පිළිබඳව කෘෂිකර්ම බලධාරීන්ගේ කඩිනම් අවධානය යොමුකොට වගාව බේරා ගැනීම සඳහා සහයෝගය ලබාදෙන්නැයි ගොවියෝ කෘෂිකර්ම බලධාරීන්ගෙන් ඉල්ලීමක් ද කර සිටිති.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හඳුනා නොගත් රෝගයක් නිසා දඹුල්ලේ වගා විනාශයක්