(උපාලි ආනන්ද)
අනුරාධපුර දිස්ත්රික් විදුලි ඉංජිනේරු කාර්යාලයේ නිලධාරියෙකු ලෙස ලංකා විදුලි බල මණ්ඩලයේ ආරක්ෂික නිල ඇඳුමකින්ද සැරසී ව්යාජව පෙනී සිටිමින් වසර 12 කට අධික කාලයක් තිස්සේ විදුලි පාරිභෝගිකයික් රවටා විශාල මුදල් වංචාකිරීමේ සිද්ධියක් සම්බන්ධයෙන් නොච්චියාගම පොලිසිය සැකපිට අත්අඩංගුවට ගෙන අධිකරණ හමුවට ඉදිරිපත් කළ ව්යාජ විදුලි සේවකයෙකු ජූලි 21 වන දින දක්වා රක්ෂිත බන්ධනාගාර ගතකරන ලෙස තඹුත්තේගම මහේස්ත්රාත් රමිලා නදීෂානි මහත්මිය අද (13) නියෝග කළාය.
මෙම වංචනික ක්රියාව සම්බන්ධයෙන් තවදුරටත් විමර්ශන මෙහෙයවා එහි ප්රගතිය දැක්වෙන වාර්තාවක් අධිකරණව හමුවට ඉදිරිපත් කරන ලෙසටද මහේස්ත්රාත්වරිය නොච්ච්යාගම පොලිසියට තවදුරටත් නියෝග කළාය.
රක්ෂිත බන්ධනාගාර ගතකළේ තඹුත්තේගම වෙහෙරගල ගම්මාන 4 ලිපිනයේ පී ජී සිසිර කුමාර නැමැත්තෙකි.
සැකකරු අධිකරණයට ඉදිරිපත් කරමින් නොච්චියාගම පොලිසිය සඳහන් කළේ මෙම සැකකරු විදුලි බල මණ්ඩලයේ නිලධාරියෙකු ලෙස ව්යාජව පෙනී සිටිමින් විදුලිබල මණ්ඩලය මගින් සිය පාරිභෝගිකයින්ට ඉටු කර දිය යුතු සේවාවන් තමන් විසින් කර දෙන බව පවසා වසර 12 කට අධික කාලයක් අයථා ලෙස විදුලි පාරිභෝගිකයින්ගෙන් විශාල වශයෙන් වංචනිකව මුදල් උපයා ඇති බව සිද්ධිය සම්බන්ධයෙන් දැනට කර ඇති මූලික විමර්ශනවලදී අනාවරණ වූ බවය.
සැකකරු විසින් සිදු කර ඇති මූල්ය වංචා සිද්ධීන් 100කට අධික සංඛ්යවක් පිළිබඳව දැනට පමණක් තොරතුරු ලැබී ඇති බවද අධිකරණයට කියා පොලිසිය මනුවක ස්ථානය වෙනස් කර දී මුදල් ලබා ගැනීම, වංචනිකව නව විදුලිය සම්බන්ධතා ලබා දී මුදල් ලබා ගැනීම, නියමිත පරිදි විදුලි පරිභෝජනය සටහන් වීම වැළැක්වෙන අයුරින් මනුව සකස් කර දී මුදල් ලබා ගැනීම, ඇතැම් නිවාසවල සවිකර ඇති විදුලි මීටර් රාත්රි කාලයේ හොරෙන් ගලවා ගෙන ගොස් වෙනත් නිවාසවලට සවි කර දී රුපියල් 3600 සිට 7000 දක්වා විවිධ ගණන් යටතේ මුදල් ලබාගැනීම මෙම සැකකරු විසින් සිදු කර ඇති වංචනික ක්රියා කිහිපයක් පමණක් බවද පොලිසිය දැන්වීය.
ලංකා විදුලි බල මණ්ඩලයේ නොච්චියාගම විදුලි ඉංජිනේරු සචින්ත නිමිෂ් මහතා නොච්චියාගම පොලිසියට කරන ලද පැමිණිල්ලකට අනුව විමර්ශන මෙහෙයවා සැකකරු අත් අඩංගුවට ගත් බවද අධිකරණයට කියා සිටි පොලිසිය සැකකරු සිදු කර ඇති මෙවැනි වංචනික ක්රියා විශාල සංඛ්යාවක් පිළිබදව ලංකා විදුලි බල මණ්ඩලයේ විශේෂ විමර්ශන ඒකකය සහ නොච්චියාගම පොලිසිය එක්ව විමර්ශන අරබා ඇති බවද කීය.
සැකකරු රක්ෂිත බාරයට පත් කරන්නැයිද පොලිසිය අධිකරණයෙන් අයැද සිටියේය. මෙම සැකකරු කලක් ලංකා විදුලි බල මණ්ඩලය මගින් විදුලි රැහැන් ඇදීම සදහා කොන්ත්රාත් කාර්යයන් බාර දී තිබූ පුද්ගලික කොන්ත්රාත් සමාගම් කිහිපයක සේවය කර ඇති බවද අධිකරණයේදී අනාවරණ විය.
පැමිණිල්ල වෙනුවෙන් නොච්චියාගම පෙලිසියේ ස්ථානාධිපති ප්රධාන පොලිස් පරික්ෂක සී පී ජයතිලක යන මහතාගේ උපදෙස් මත පොලිස් කොස්තාපල් ගනක කැලුම් සෝමසිර මහතා අධිකරණයට කරුණු කී අතර සැකකරු වෙනුවෙන් නීතිඥ බුද්ධික ලෙව්කේ බණ්ඩාර මහතා පෙනී සිටියේය.
ලංකා විදුලි බල මන්ඩලයේ උතුරු මැද පළාත් නියෝජ්ය සාමාන්යාධිකාරි ෂර්ලි කුමාර මහතාගේ උපදෙස් මත කැකිරාව විදුලි ඉංජ්නේරු ඉසුරු කස්තුරිරත්න මහතාගේ මෙහෙයවීම මත ලංකා විදුලි බල මණ්ඩලයේ විශේෂ විමර්ශන ඒකකයේ කළමනාකරු ඉන්දික ප්රනාන්දු සහ විමර්ශන විදුලි අධිකාරි ටී ආර් එදිරිසිංහ සහ විමර්ශන බාර නිලධාරි මිනක ප්රියන්ත යන මහත්වරුන් මෙම මහා පරිමාන මූල්ය වංචා සිද්ධිය සම්බන්ධයෙන් අංශ කිහිපයක් ඔස්සේ පුළුල් විමර්ශන අරබා ඇත.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වසර 12ක් අ’පුර විදුලි ඉංජිනේරු නිලධාරියකු ලෙස පෙනී සිටි අයෙක් රිමාන්ඩ්