(නයනජිව බන්ඩාර)
වනසංරක්ෂණ දෙපාර්තමේන්තුවට අයත් ඉඩමක මාර්ගයක් ඉදිකිරීමට ගිය බුත්තල පැල්වත්ත ලංකා සීනි පෞද්ගලික සමාගමේ කොන්ත්රාත් ආයතනයක සේවකයකු අද (23) වන සංරක්ෂණ දෙපාර්තමේන්තුවේ බුත්තල අඩවි වන කාර්යාලයේ නිලධාරීන් විසින් අත්අඩංගුවට ගෙන තිබේ.
මාර්ගය කැපීමට යොදාගත් ජේ.සි.බි යන්ත්රයක් ද අත්අඩංගුවට ගත් බව එම නිලධාරීහු සඳහන් කළහ.
පැල්වත්ත සීනි සමාගම විසින් බුත්තල ගෝනගංආර අයා කපොල්ලේ සිට ඹක්කමිපිටිය හැබැස්ස නයිපෙනආර ප්රදේශය දක්වා නිසි අවසරයක් නොමැතිව මාර්ගයක් ඉදිකරමින් පවතින බව අඩවි වන කාර්යාලයේ නිලධාරීහු පැවසූහ.
පැල්වත්ත ලංකා සිනි පෞද්ගලික සමාගම විසින් මොණරාගල දිස්ත්රික්කයේ අලුතින් උක්වගාකිරීමට වනසංරක්ෂණ දෙපාර්තමේන්තුවට අයත් කැලැ ඉඩම් හෙක්ටයාර 2000 ක් ඉල්ලා ඇති අතර,එම ඉල්ලන ලද ඉඩම් වලින් කොටසක් යාල ජාතික වනෝද්යානයේ කලාප අංක 04 ට මායිම්ව ඇති ඹක්කමිපිටිය හැබැස්ස ප්රදේශයේ ඇති බව වන නිලධාරිහු කියති.
වන සංරක්ෂණ දෙපාර්තමේන්තුව එම ඉඩම් නිදහස් කිරීමට මෙතෙක් තීන්දුවක් ගෙන නැති අවස්ථාවක සමාගම මෙම මාර්ගය නීතිවිරෝධීව ඉදිකරමින් ඇත්තේ බලහත්කාරයෙන් බව ඔවුහු චෝදනා කරති.
මෙම මාර්ගය අලුත් එකක් නොවන බවත් , වනඅලි කරදර හේතුවෙන් ගම්වාසින්ගේ ඉල්ලීම මත මෙම මාර්ගය පිරිසකර කළ බවත් පැල්වත්ත සිනි සමාගමේ නිලධාරීහු සඳහන් කළහ.
මෙම මාර්ගය ඉදිකිරිමේදී එකදු ගසකට හෝ හානියක් සිදුනොකළ බවත් ඔවුහු කියති.
කෙසේ නමුත් පැල්වත්ත සමාගමේ නිලධාරීන් පිරිසක් මෙම ස්ථානයට පැල්වත්ත සිනි සමාගමේ ආරක්ෂක අංශ සේවකයන් කණ්ඩායමක ගිනිඅවිද සමඟ පැමිණ වන නිලධාරීන් විසින් අත්අඩංගුවට ගත් ජේ.සි.බි යන්ත්රය හා එහි රියදුරු පොලිසියට රැගෙන යාමට විරෝධය දැක්වීමත් සමඟ දෙපාර්ශ්වය අතර උණුසුම් තත්වයක්ද හට ගැනුණි.
ගෝනගංආර පොලිසිය එම ස්ථානයට පැමිණ ජේ.සි.බි යන්ත්රය හා එහි රියදුරු අත්අඩංගුවට ගෙන පොලිසිය වෙත රැගෙන යාමට කටයුතු කළේය.
ගෝනගංආර පොලිසිය හා වන සංරක්ෂණ දෙපාර්තමේන්තුවේ බුත්තල අඩවි වන කාර්යාලය මේ පිළිබඳව වැඩිදුර විමර්ශන සිදුකරයි.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
වනජීවියේ ඉඩමක පාරක් කැපුවයි අයෙක් අත්අඩංගුවට
Don Thursday, 23 July 2020 06:14 PM
මෙම නීතිය කුරුණෑගල වැරදිකරුවන්ට අදාළ නොවන්නේ ඇයි? අපි ජීවත් වන්නේ නීති විරෝධී ලෝකයක !!
ලෝකයා Friday, 24 July 2020 01:59 AM
එතකොට ලෝක උරුමයක් වන සිංහරාජ වනය හරහා පාරවල් කැපීම කරන්නේ කෙසේද.