(සමන් කාරියවසම් සහ බිමල් ශ්යාමන් ජයසිංහ )
පානදුර නගරයේ ප්රසිද්ධ කෝටිපති වෙළඳ ව්යාපාරිකයෙකුගේ නිවසක් දිවා කාලයේ බිඳ රුපියල් ලක්ෂ තිස්පහක් වටිනා රන් පවුම් 55 ක ස්වර්ණාභරණ සහ මුදලින් රුපියල් එක්ලක්ෂ හතලිස් දහසක මුදලක් සොරකම් කළ 31 වියැති ටයිල් පෙදරේරුවෙක් මහනුවර අංකුඹුර ප්රදේශයේදී අද (17) අත්අඩංගුවට ගත් බව පානදුර දකුණ පොලිසිය පවසයි.
පානදුර සුසන්ත මාවතේ පදිංචි එම වෙළඳ ව්යාපාරිකයා සහ ඔහුගේ පුත්රයා නිවසෙන් බැහැරව ගිය අවස්ථාවකදී මෙම සොරකම සිදුවී ඇති බව පොලිසිය පවසයි.
එම වෙළෙඳ ව්යාපාරිකයා පානදුර දකුණ පොලිසිය වෙත කරනු ලැබු පැමිණිල්ලක් මත පානදුර පොලිසියේ අපරාධ අංශයේ නිලධාරිහු විසින් පරික්ෂණ ආරම්භ කෙරිනි.
සිද්ධිය සම්බන්ධයෙන් පොලිසිය එම නිවසට ආසන්නයේ දෙමහල් නිවසක ටයිල් ඇල්ලීමේ නිරතවු ගල්කිස්ස ප්රදේශයේ පදිංචි සැකකරු සම්බන්ධයෙන් වැඩිදුර විමර්ශණයක් කර ඇත.
වැඩිදුරටත් පොලිසිය සිදුකළ විමර්ශනයේදී සොයා ගත් තොරතුරු මත මහනුවර අංකුඹුර ප්රදේශයේ දි සැකකරුගේ සහෝදරියකගේ නිවසේ රැඳී සිටියදී සැකකාර පෙදරේරුවා අත්අඩංගුවට ගත් බව පොලිසිය පවසයි.
සැකකරු අත්අඩංගුවට ගන්නා අවස්ථවේ ඔහු සන්තකයේ තිබී රන්මාලයක් , මුද්දක් සහ අත්පළඳනාවක් පැළඳගෙන සිට ඇති අතර ඔහු වත්පොහොසත් කම් ඇති පුද්ගලයෙකු ලෙස කාලය ගත කර ඇති අතර ඒ අවස්ථාවේ ඔහු සන්තකයේ තිබි රු.49,000/ක මුදලක්ද පොලිසිය විසින් සොයා ගෙන ඇත.
සැකකරු කෝටිපති ව්යාපාරිකයාගේ නිවසේ ජනෙලයකින් පැන අලවංගුවක් උපයෝගි කොට ගෙන ග්රිල් ගලවා ගෙට ඇතුලූ වී ඇතැයි පොලිසිය සිදු කල විමර්ශණ වලදි අනාවරණය වී ඇත.
සොරකම සිදු වන විට ව්යාපාරිකයාගේ නිවසේ පවුම් 80 ක් තිබි ඇති අතර එයින් සොරාගෙන ඇත්තේ පවුම් 55ක් බව පොලිසිය පවසයි.
තවදුරටත් සැකකරුගෙන් ප්රශ්න කිරීමේදි අගුලාන ගොලූමඩම හන්දියේ පිහිටි සැකකරු පදිංචි සුනාමි නිවාස සංකීර්ණයේ ඉඩමක කෙසෙල් පදුරක් යට වලලා දමා තිබු ස්වර්ණාභරණ සොයා ගැනීමට පොලිසිය සමත්ව ඇත.
සැකකරු සොරා ගන්නා ලද මුදල් වලින් දිනකට අරක්කු බෝතල් දෙකක් පානය කරමින් ඥාතින්ට සහ මිත්රයින්ට මුදල් වියදම් කරමින් කෙලි ලොලින් ජීවත් වී ඇතැයි. පොලිසිය පවසයි.
සැකකරු මීට පෙරද සොරකම් කිහිපයකට සම්බන්ධව අධිකරණයෙන් වසර 2 1/2 ක් දඩුවම් ලැබ මීට දින කිහිපයකට පෙර නිදහස ලැබු භාරති රාජා නොහොත් ශිවා නමැති 31 වියැති අයෙකු බව පානදුර දකුණ පොලිසියේ උසස් පොලිස් නිලධාරියෙකු පැවසිය.
අත්අඩංගුවට පත් වූ සැකකරුගෙන් වැඩිදුරටත් ප්රකාශ සටහන් කරගන්නා බවත් අද දිනයේදී සැකකාර පෙදරේරුවා අධීකරණයට ඉදිරිපත් කරන බව පොලිසිය පවසයි.
සිද්ධිය සම්බන්ධයෙන් පානදුර කොට්ඨාස භාර ජ්යෙෂ්ඨ පොලිස් අධීකාරි ලක්සිරි විජේසේන සහ සහකාර පොලිස අධිකාරි ෂ අසෝක විරක්කොඩි යන මහත්වරුන්ගේ උපදෙස් පරිදි පානදුර දකුණ පොලිසියේ ප්රධාන මූලස්ථාන පොලිස් පරික්ෂක තුෂාර ඉන්දික ද සිල්වා අපරාධ අංශයේ ස්ථානාධිපති උප පොලිස් පරික්ෂක රෝහණ විජේරත්න සිල්වා උප පොලිස් පරික්ෂක සමීර, පොලිස් සැරයන් වරුන් වන 14247 රණසිංහ, 59368 රංජිත්, 39811 අබේසේකර, 21227 නවරත්න, පොලිස් කොස්තාපල් වරුන් වන 41126 ජයන්ත, 88245 මධුරංග, 79335 තුෂාර, 91160 ටිරෝෂන්, 79726 ලක්මාල්, කාන්තා පොලිස් සැරයන් 361 මැණිකේ, කාන්තා පොලිස් කොස්තාපල් 91 ගංගානි, 10500 අනුෂ්කා, 10515 කෞෂල්යා, පොලිස් කොස්තාපල් රියදුරු 91998 කසුන් වැඩිදුර පරික්ෂණ සිදු කරති.
( ඡායාරූප - සමන් කාරියවසම් )
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ලක්ෂ 35 ක රන්බඩු සොරා ගත් පුද්ගලයෙක් අත්අඩංගුවට