(සුමතිපාල දීයගහගේ )
 
 මුහුදුබඩ දුම්රිය මාර්ගයේ දුම්රිය හරස් මාර්ගවල අනතුරු ඇඟවීම සදහා  අලුතෙන් සවිකර ඇති ඇතැම් සීනුව සහිත වර්ණ සංඥා පද්ධති නිසි ලෙස ක්‍රියාත්මක නොවිම නිසා එම මාර්ගවල ගමන් කරන මහජනයාට සහ රථවාහන රියදුරන්ටඅපහසුතා රැසකට මුහුණ පෑමට සිදුවී තිබේ.
 
මේ අනුව අහංගම මහා විහාර මාවතේ දුම්රිය හරස් මාර්ගයටසවි කර ඇති සීනුව සහිත වර්ණ සංඥ පද්ධතිය පැය විසි හතරපුරා ක්‍රියාත්මකවීම නිසා එම මාර්ගයේ ගමන් කිරිම බරපතල අනතුරු වී ඇත.
 
එහි සීනුව පැය විසි හතර පුරා නාද වෙමින් දුම්රියක් පැමිණෙන විට දැල්වෙන රතු පැහැති වර්ණ සංඥාව නොකඩවා ක්‍රියාත්මක වීමේ දෝෂය නිසා මේ තත්වය උදාවී ඇත.
 
එමෙන්ම ගාල්ල කටුගොඩ සුධර්මාලය  දුම්රිය හරස් මාර්ගයේවර්ණ සංඥා පද්ධතියේ කහ පැහැති වර්ණ සංඥාව දැල්විය යුතුඅවස්ථාවේදීද අනතුරු අගවන රතු පැහැති වර්ණ සංඥාව දැල්වෙන බවට ප්‍රදේශවාසීහු ගාල්ල වරාය පොලිසියට පැමිණිලි කර තිබේ.
 
 මේ අතර අහංගම විජේසිංහ මාවතේ දුම්රිය හරස් මාර්ගයේසංඥා පද්ධතියේ සීනුව ඉතා හෙමින් නාදවිමේ දෝෂයක්දපවති. මීට අමතරව මුහුදුබඩ දුම්රිය මාර්ගයේ තවත් හරස් මාර්ග කීපයක මෙම වර්ණ සංඥා පද්ධතිවල දෝෂ පවතින බවද වාර්තාවේ.මුහුදුබඩ දුම්රිය මාර්ගයේ හරස් මාර්ගවලට අලුතෙන් අනතුරු ඇගවීමේ වර්ණ සංඥා පද්ධති සවි කිරිමෙන් පසුව ඒ ඒප්‍රදේශවල පොලිසි මගින් එම හරස් මාර්ගවලට යොදවා සිටි ගේට්ටු මුරකරුවන්ද ඉවත් කර තිබේ.

 මේ පිළිබඳව දුම්රිය දෙපාර්තමේන්තුවේ නියෝජ්‍ය ගමනා ගමනඅධිකාරි ඩබ්ලිව්. ඩී. ආර්. පත්මලාල්  මහතාගෙන් විමසු විට  පැවසූයේ පවතින මෙම  දෝෂ පිළිබඳව දුම්රිය දෙපාර්තමේන්තුවේ වර්ණ සංඥා දෙපාර්තමේන්තුවට දැනුම් දී ඇති බවයි.