(පැතුම් දර්ශන)
මේ දිනවල පවතින අධික වර්ෂාවත් සමඟ පහළ යාංඔය ජලාශයට මායිම්ව පිහිටි තම නිවාස හා ඉඩම් යටවීමේ දැඩි අවදානමක් මතුව ඇති බව මාවතවැව, අලියාකඩ, වාගොල්ලාකඩ යන ගම්මානවල ජනතාව පවසති.
ජලාශය ඉදිකිරීමේ දී ලකුණු කළ මායිම් කණු පසුකරමින් මීටර් 200 ක් පමණ ගම්මාන ඇතුළට ජලය පිරී ඇති බවත් ඒ හේතුවෙන් නිවාසවල රැඳී සිටීම ද අවධානම් සහගත බව ඔවුහු කියති. ගම්මාන තුනකට අයත් පවුල් 85ක් පමණ මෙම අවදානමට මුහුණ දී සිටී.
මේ පිළිබඳව වැඩිදුරටත් අදහස් දැක්වූ අලියාකඩ පදිංචි රන්දිමා දමයන්ති මහත්මිය මෙසේ කීවාය.
"වතුර අල්ලනවා කියලා තිබුණ මායිම් ගල් පහුකරලා දැන් වතුර ගම ඇතුළට ඇවිල්ලා. දවසින් දවස ජල ප්රමාණය වැඩි වෙනවා. රැස්වීම් තියලා අපිට වගා කරන්න කියපු කුඹුරු ඉඩම් අපි වගා කරා. දැන් මේ කුඹුරුවලින් අක්කර හැටක් මේ වෙනකොට වතුරට යටවෙලා. ඒ කුඹුරු යට වෙන්නේ නැහැ කියලා කියපු නිසයි අපි වගා කළේ.
මාවතවැව ගම්මානයෙ පවුල් තිහක් සහ අනු පවුල් 42 ක් ඉන්නවා. ඒ අයට ඉවත්වෙන්න කියලා නෑ. වන්දි කිසිම දෙයක් දීලත් නෑ. දවසින් දවසට වතුර ප්රමාණය වැඩි නිසා රාත්රී කාලයේ ඒ අයට ගෙවල්වල ඉන්න බයයි. උදේ ඇහැරිලා බලනකොට ගෙවල් යටවෙලා තියෙයි කියලා මිනිස්සු බයෙන් ඉන්නේ. අපි මේ ගැන හැම තැනටම දැනුම් දුන්නා. නමුත් කිසිම ක්රියාමාර්ගයක් අරගෙන නැහැ. මිනිස්සු අසරණ වෙලා ඉන්නේ.
කිරි ගවයන්ගෙන් ජීවත්වුණ ගොඩක් මිනිස්සු අද අසරණ වෙලා. ගවයන්ට කන්න තණකොළ ගහක් හොයාගන්න නෑ. වාගොල්ලාකඩ ගමේ පවුල් 15 ක් යට වීමේ අවදානමෙන් ඉන්නේ. ඒ අයගෙ ගෙවල් වල මිදුලේ වතුර. අද වුණත් කියන්න බෑ ගෙවල් යට වෙයිද කියලා. එනිසා මේ ගැන හරි හමන් තීරණයක් ලබා දෙන්න කියලා ඉල්ලා සිටිනවා."
ජනතාවගේ මෙම චෝදනාව සම්බන්ධයෙන් පහළ යාංඔය ව්යාපෘති අධ්යක්ෂ උදය හේමකුමාර මහතාගෙන් අප කළ විමසීමේදී මෙසේ කීය.
" අපි මායිම් කරල තිබුණේ මුහුදු මට්ටමේ ඉඳලා මිටර් තිස්හයකට. නමුත් වැස්ස උපරිමෙන් ආවා. වසර දාහකට පස්සෙ ලැබුණ වර්ෂාවක් කියලයි මෙ වර්ෂාව සලකන්නේ. එහෙමයි දැනට ගණනය කරලා තියෙන්නේ.අපි වාන් දොරටු පහම සම්පූර්ණයෙන්ම දැන් ඇරලා තියෙන්නේ මීටරයක් උසට. අතිරේක වානක් හදලා තියෙනවා ඒකත් අපි කපල ඉවත් කළා. මේ වෙනකොට වතුර මට්ටම ගොඩක් අඩු වෙලා තියෙනවා. එනිසා බියක් ඇති කරගත යුතු නැහැ. අක්කර අඩි 175,000 ජල ධාරිතාවයක් ජලාශෙය් තියනවා. යැයි අධ්යක්ෂකවරයා පැවසීය.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පවුල් 85 ක් පහළ යාං ඔයට යටවීමේ අවදානමක්