(කාංචන කුමාර ආරියදාස)
ආහාර නිෂ්පාදන ආයතනයක් සහ පානීය වතුර බෝතල් නිෂ්පාදනය කරන ආයතනයක් මුවාවෙන් බකමූණ, ඇළහැර කුමාරඇල්ල ප්රදේශයේ වසර තුනහමාරක් තිස්සේ නිධන් ගැනීම සඳහා කැණීම් සිදුකළ ස්ථානයක් වටලා වටලා සැකකරුවන් හත්දෙනෙකු හා උපකරණ රැසක් අත්අඩංගුවට ගෙන තිබේ.
දඹුල්ල පොලිස් විශේෂ කාර්ය බලකායේ නිලධාරීන් ඊයේ රාත්රියේ මෙම වැටලීම සිදු කර ඇත.
වසර තුනහමාරක පමණ කාලයක සිට දිවයිනේ ප්රබල පුද්ගලයන් රැසක් සහ සම්බන්ධ වී ඇතැම් රාජ්ය නිලධාරීන්ගේ අනුග්රහය ඇතිව මෙම ස්ථානයේ විශාල කළුගලක් බිඳ අඩි හැටක පමණ ගැඹුරට දෝනාවක් හාරා නිධන් සොයා ඇතැයි පොලිස් විශේෂ කාර්ය බළකාය සිදු කළ පරීක්ෂණයේදී හෙළි වී තිබේ.
දඹුල්ල පොලිස් විශේෂ කාර්ය බලකායට ලැබුණු තොරතුරක් මත එම ස්ථානයට යන විටත් එහි සේවකයන් විශාල කළු ගලින් සැදුණු මහ පොළොව යට උමගයක් තුළ වැඩ කරමින් සිටියේය.
අත්අඩංගුවට පත්වූවන් අනුරාධපුර ,කිතුල්ගල , නිවිතිගල ,රත්නපුර හා ඇලහැර ආදී ප්රදේශයේ පදිංචිකරුවන් බව පොලිසිය කියයි.
පොලිස් විශේෂ කාර්ය බලකාය මෙම ස්ථානය වැටලීම සමඟ එහි සිටි එක් සැකකරුවෙකු දෙමහල් නිවසක් තුළ වැසිකිළියක පැය හතරක කාලයක් සැගවී සිටියදී පසුව සොයා ගැනිනි.
ඔවුන් සතුව තිබී ගල් විඳීමට ගන්නා අවි ආයුධ ගල් පුපුරවා හැරීම සඳහා උපයෝගී කරගන්නා වෙඩිබෙහෙත් අදාළ වයර් පහන් පූජා භාණ්ඩ ආදී භාණ්ඩ රැසක් සොයාගත් බව පොලිසිය කියයි.
රාජ්ය ලාංඡනය ඇතිව ආහාර සැකසුම් කලාපයක් ලෙස දැන්වීම් පුවරු ප්රදර්ශනය කොට වෙනත් අයකුට ඇතුළුවීම තහනම් යනුවෙන් දැන්වීම් සවිකර රජයේ ඉඩමක මෙම ආයතනය පවත්වාගෙන යන මුවාවෙන් මෙය පවත්වාගෙන ගොස් තිබේ.
ප්රදේශවාසීන් බකමූණ පොලිසියට පුරාවිද්යා අංශවලට ප්රාදේශීය ලේකම් කාර්යාලයට ශ්රී ලංකා මහවැලි අධිකාරියට දැනුම් දුන්න ද එයින් කිසිදු පලක් නොවූ බවත් ප්රදේශවාසීන්ට දැඩි තර්ජන එල්ල කරමින් මෙය ක්රියාත්මක කිරීම සිදුකරන බවත් පවසමින් පොලිස් විශේෂ කාර්ය බලකායේ අණදෙන නිලධාරි පොලිස් පරීක්ෂක එම්.බි . එම් . ජේ .එස්. බණ්ඩාර මහතාට දැනුම් දීමෙන් පසු මෙම වැටලීම සිදු කර තබේ.
අත්අඩංගුවට ගත් පුද්ගලයන් කෙන් ප්රශ්න කිරීමේදී සහ ඔවුන්ගේ ජංගම දුරකථන පරීක්ෂාකිරීමේදී මෙම ජාවාරමේ සිටින රජයේ නිලධාරීන් ප්රබල ව්යාපාරිකයින් බොහෝ දෙනෙකුගේ නම් හෙළිවී ඇතැයි පොලීසිය කියයි. ඒ අනුව ජාවාරම්කරුවන් අතර පැවැති දුරකථන සංවාද රැසක් පොලිස් විශේෂ කාර්ය බලකාය භාරයට ගැනිණි. ඒවාට සවන්දීමේදී එහිදී පුරාවිද්යා නිලධාරීන්ගේ නම් පොලිසියෙ නම් සහ උසස් නිලධාරීන් රැසකගේ නම් හෙළි විය.
එමෙන්ම පොළොන්නරුව ප්රදේශයේ මෙම කණ්ඩායම තවත් නිදනයක් ලබා ගත් ආකාරයද දුරකථන සංවාදවල දී අනාවරණය වූ බව පොලිස් විශේෂ කාර්ය බලකාය කියා සිටී.
බකමූණ කුමාරඇල්ල පුරාවිද්යා රක්ෂිතය පැරණි අතීතයේ සිට බෞද්ධ සිද්ධස්ථාන රැසක් පැවති ස්ථානයකි.පොලිසිය සැකකරුවන් හත් දෙනා සහ භාණ්ඩ අත්අඩංගුවට ගෙන පොලිසිය වෙත රැගෙන යෑමට සූදානම් වෙද්දී ප්රදේශවාසීහු මෙම ජාවාරම් කරුවන්ට දැඩි විරෝධය එල්ල කරමින් හූ හඬ දෙන්නට වූහ.
සැකකරුවන් ප්රශ්න කිරීමෙන් අනතුරුව බකමුණ පොලිසියට භාරදීමට නියමිතය .
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
නිධන් ගැනීමට ගිය 4 ක් බකමූණේදී අත්අඩංගුවට