(රවී ලියනගේ / ජේ.කේ.එල් චාමින්ද සහ ඩි.ජි.සුගතපාල)

තෙල් මිල වැඩි කිරීමට එරෙහිව ජනතා විමුක්ති පෙරමුණ සංවිධානය කළ උද්ඝෝෂණයක් අද (17)  ගාල්ල ප්‍රධාන බස් නැවතුම ඉදිරිපිටදී පැවැත්විණි.

ජනතා විමුක්ති පෙරමුණට සම්බන්ධ සංවිධාන රැසකගේ සහභාගීත්වයෙන් පවත්වන ලද මෙම උද්ඝෝෂණයට විශාල පිරිසක් එක්ව සිටියහ.

එහි දී වැඩි දුරටත් අදහස් දැක්වූ දකුණු පළාත් සභා මන්ත්‍රී නලීන් හේවගේ මහතා මෙසේ ද පැවැසීය.

  ‘‘ජනතාවට සහන දීම පසෙකලා ආණ්ඩුවේ ලොකු ලොක්කෝ කෝටි ගණන්වල වාහන ගෙන්වනවා. වහාම තෙල් මිල අඩුකර ජනතාවට සහන ලබාදීමට මේ රජය කටයුතු කළයුතු බවත් එසේ නොකළහොත් ජනතාව සමඟ එක්වී රට පුරා උද්ඝෝෂණ මාලාවක් සංවිධානය කරන බව ඔහු පැවසීය

මෙම අවස්ථාවට සමස්ථ ලංකා පොදු ධීවර සම්මේලනයේ ජාතික සංවිධායක රත්න ගමගේ, හිටපු පළාත් සභා මන්ත්‍රී ටී. කේ ජයසුන්දර, හිටපු පළාත් සභා මන්ත්‍රී නිශාන්ත පෙරේරා යන මහත්වරු එක්ව සිටියහ.

ඡායාරූප - රවී ලියනගේ

ඡායාරූප - ජේ.කේ.එල් චාමින්ද සහ ඩි.ජි.සුගතපාල