(මහේෂ් කීර්තිරත්න)
නකල්ස් ආශ්රිත පේරක කලාපයක් වන රත්තොට කලාපයේ ලොන්විල් ප්රදේශයේ ගල් වලක බෝරදැමීම හේතුවෙන් ප්රදේශයේ නායයාමේ අවදානමක් මතුව තිබේ. මේ හේතුවෙන් විශාල පස් කඳු කඩාවැටෙන බවද, ජලයට ගල්කුඩු මිශ්රවන බවද, මේ වනවිට පවුල් 30ක් ප්රදේශයෙන් ඉවත් කිරීමට සිදුව ඇති බවද ඔවුහු කියති.
පසුගිය දිනක ගම්වාසීන් මීට එරෙහිව විරෝධතාවයක් පැවත් වූ අතර, වැසි දවස්වලට පමණක් මේ පිළිබඳව සියලු දෙනා කතා කරන බවත් වැසි දිනය පහව ගිය පසු නැවත එවැනි තත්වයක් කතා නොකරන බවත් ගම්වාසීහු කියති.
රත්තොට ගම්වාසියකු වන රණවීර බණ්ඩා මහතා අදහස් දක්වමින් මෙසේ පැවසීය.
“මේ ගමේ පවුල් 300කට අවදානම් කලාපයේ ඉන්නවා කියලා ඉවත් කළා. මගෙත් එක්ක ආව නිලධාරි ගිහිල්ල නාය යන තැන් බැලුවේ. මම වගකීමෙන් කියනවා ඒ නිලධාරින් සල්ලි ගන්නවා. ආණ්ඩුකාරිය තහනම් කරපු ගල්වල කොහොමද පටන් ගන්නේ. මාතලේ නිලධාරීන් නැතිව කොළඹ නිලධාරීන් ගෙනල්ල පරීක්ෂණයක් කරන්න කියන ඉල්ලීම කරනවා. රත්තොටට ම අවදානම් රතු නිවේදනත් තියෙනවා. ඉතාම කනගාටු තත්වයක්” යැයිද කීය.
එම්. ජී. කරුණාවතී මහත්මිය මෙසේ පැවසුවාය.
“වැහි දවස්වලට අපි බයෙන් ඉන්නේ. දරුවොත් අරන් කොහෙද හදිස්සියට දුවන්නේ? මේක නාය යන කලාපයක් කරලා තියෙන්නේ. ධම්මික ගල්වලයි මේ ගල් වල නිසා ඉඩම්වල ඉන්න බැරි තත්වයකුයි තියෙනවා. ගෙවල් පුපුරලා, වතුර හිඳිලා, නාන ළිඳත් වැහිලා. කිව්වට කිසිම වැඩක් නැහැ අපිට හානියක් වුණොත් කවුද බලන්නේ. එන අය පින්තූර ගහනවා විතරයි වැඩක් නැහැ” යැයිද පැවසීය.
රත්තොට ප්රාදේශීය සභාවේ මන්ත්රී සිසිර කුමාර මහතා (ජ.වි.පෙ) මේ සම්බන්ධයෙන් මෙසේ පැවසීය.
“රත්තොට කියන්නේ වැස්ස එන කාලයට අවදානම් කලාපයක්. වැස්ස එනකොටම බියෙන් සැකෙන් ඉන්නේ ජීවිත අවදානමක් එක්ක. කඳු නාය යන පැල්ලම් තියෙන කලාපයක්. හැමතැනකම මේ ප්රශ්නය තියෙනවා. රත්තොට හැම ගල්වලකම මේ තත්වය තියෙනවා. භූ විද්යා සහතිකය අරන් සීමාව ඉක්මවලා වැඩ කරනවා. රාත්රී කාලේ වැඩ කරනවා. මේවා නියාමනය කරන ආයතන එකතුවෙලා වැඩ කරන්න අවශ්යයි. එක එක ආයතන වෙනම ක්රියාත්මක වෙනවා. මේ සියල්ලෙන් අසාධාරණයට ලක්වෙලා ඉන්නේ ජනතාව. මේවායේ අනතුර තියෙන්නේ ඉදිරි කාලයේදී. ඔක්කොම ටික නාය ගියාම බලා ගන්න පුලුවන් කෙරුම්කාරකම්” යැයිද කීය.
ගල්වලෙහි අයිතිකරු වයි. ජී. මහින්ද බණ්ඩාර මහතා මෙලෙස පැවසීය.
“ඇතැම් පිරිස් මේ ගල්වල වහන්න උත්සාහ දරනවා බොරු චෝදනා කරලා. ඒ බව ඔප්පු වුණ අවස්ථාත් තියෙනවා. ගෙවල්වලට තමන් ගල් දා ගන්නවා. මාධ්යය නොමග යවනවා. පරීක්ෂණවලින් ඔප්පු වුනාම පාඩුවේ ඉන්නවා. බලපත්ර දෙන ආයතන ගණනාවක් තියෙනවා. සෑම ආයතනයකින්ම නියෝග දීලා තියෙනවා මේ විදිහට කරන්න කියලා. මේ ප්රශ්නත් එක්ක ආයතනවලින් බලපත්ර නවත්වනවා. අපිට ප්රශ්න තියෙනවා. පරීක්ෂනයක් කළොත් ඉදිරිපත් වෙනවා” ඔහු කියාසිටියේය .
රත්තොට ප්රාදේශීය සභාවේ හිටපු සභාපති වත්මන් මන්ත්රී (එ.ජා.ප) අතුල වික්රමනායක මහතා මෙලෙස කීය.
“මේ ගල්වලවල් ගැන හිතන්න ඕන මිට කලින් වහිනකොට. පායනකොට කිසිම කෙනෙක් ශබ්දයක් නැහැ ඉන්නවද නැද්ද කියලා දන්නේ නැහැ. නිලධාරින්ට දොස් කියලා වැඩක් නැහැ. ප්රාදේශීය සභාවට එන්නේ අවසානයට. නිකරුණේ දොස් කියනවා හෝ අල්ලස් ගන්නවා කියන එක වැරදියි” යැයි අතුල වික්රමනායක මහතා කීහ.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගල් වලක් හේතුවෙන් රත්තොට නායයාමේ අවදානමක්