(දිනේෂ් උපේන්ද්ර)
කුලියාපිටිය කරගහගෙදර පිහිටුවා ඇති ප්රධාන පෙළේ කොහු කර්මාන්ත ශාලාවකින් නිකුත්වන කොහුබත් අංශු සහ දුහුවිලි හේතුවෙන් තමන්ට පාරිසරික සහ සෞඛ්ය ගැටලු රැසකට මුහුණදීමට සිදුව ඇතැයි ප්රදේශවාසීහු පවසති.
කර්මාන්තශාලාවෙන් නිකුත්වන සියුම් කොහුබත් අංශූ නිතරම පාවී යාබද නිවාසවලට පතිත වන බවද, ළිං ජලය මතුපිට තට්ටුවක් වශයෙන් තැන්පත්වන බවද, මේ හේතුවෙන් ළිං ජලය වෙනුවට ප්රදේශවාසීන්ට බෝතල් කළ ජලය පානය කිරීමටද සිදුව තිබිණ.
කර්මාන්තශාලාව කොහු එක්රැස්කිරීමේ මධ්යස්ථානයක් වශයෙන් පළමුව පවත්වාගෙන ආ නමුත් මේ වනවිට යන්ත්රෝපකරණ රැසක් සවිකර දවස පුරා අධික ශබ්ද නිකුත්කරමින් පවතින බවත්, මේ හේතුවෙන් කුඩා දරුවන්ගේ අධ්යාපන කටයුතුවලට පවා දැඩි බාධාවක් බවත්, ළමුන් රාත්රියේ නින්දෙන් එක්වර කෑගසමින් බියවන තත්ත්වයක් පවා උද්ගත වී ඇති බවත් ඔවුහු කියති.
සමගි මාවතේ වෙසෙන පවුල් රැසකගේ කුඩා දරුවන් මේ හේතුවෙන් ස්වසනාබාධවලින් පෙළෙන අතර 90%ක් දරුවන් සුව නොවන තරමේ සෙම්ප්රතිෂ්යාවෙන් පෙළෙන බවද ඔවුහු පවසති.
නිශාන්ත ජයසිංහ මහතා මේ ැගන අදහස් දක්වමින් මෙසේ පැවසීය.
“අපි මේකට පැමිණිලි කළා. අපිට මේ කර්මාන්තශාලාව වහන්න අවශ්ය නැහැ. මොකද ගම්මු මේකෙන් යැපෙනවා. නමුත් ගම්මු කොටසක් ජීවත්වෙද්දි තවත් කොටසක් හිමින් මැරෙන්න ඇරලා තියනවා. මගේ දරුවො තුන්දෙනාම කියන්නෙ රෑට නිනද යන්නෙ නැහැ, හිස කකියනවා කියලා. අපිටත් ඉන්න බැරිව තියෙද්දි පොඩි දරුවන් ගැන කවර කථාද?
මෑතක අපි ශබ්ද පරිමාව පරීක්ෂාවට ගෙනා නිලධාරීන් බලලා කිව්වා 69%ක් ශබ්දය වාර්තා වන බව. තිබිය යුතු ප්රමාණය 55%ක මට්ටමේ ඉඳලා ඉතාම වැඩි අගයක්. තාප්පය උස් කරලා බැඳලා ශක්තිමත් දැලක් සවිකරලා වෙන කර්මාන්ත ශාලාවක වගේ ජල නල සවිකළානම් මීට විසඳුමක් වේවි. අපි කර්මාන්තශාලාවක් අස්සට ආවා නෙවෙයි. අපේ ගෙවල් අස්සට කර්මාන්තශාලාවක් ඇවිල්ලයි මේ ප්රශ්නෙ ඇතිකරලා තියෙන්නෙ.”
දිලානි ශාමිලා මහත්මියද මෙසේ අදහස් දැක්වීය.
“අපි කරන්නෙ බුලත් ගොවිතැන. අපි බුලත් කඩල මොන විදිහකින් හෝදලා පාකිස්ථානයට හරි පැටෙව්වත් ආපසු එවනවා ඒවගෙ දුහුවිලි කියලා. මහ පොළව එක්ක පොරබදලා අපි කීයක් හරි හම්බකරගෙන කාපු එකත් නැතිවෙලා මේ දුහුවිලි තත්වය නිසා. අපි කන කෑම බීමට පවා ඒ කොහුබත් කුඩු මිශ්ර වෙනවා. අපි කියන්න ඕන හැමෝටම කියල බැරිම තැන පොලිසියට පැමිණිලි 30කට වැඩිය කළා. පරිසර අධිකාරිය ඇතුළු ආයතන කිහිපයක් දැනුවත් කළා. කිසිම කථාවක් නැහැ.
එම ප්රදේශය ආවරණය වන පරිදි තාප්පයක් හා දැලක් යෙදවීමටත් ජල පේ්රරණ පද්ධතියක් සවිකිරීමටත් කටයුතු කරන බව එල්ල වන චෝදනා සම්බන්ධව අදාළ ආයතනයේ නිෂ්පාදක විධායක සංජය මුත්තුංග මහතා පැවසුවේය. එමෙන්ම ඉදිරි මාසයක පමණ කාලයක එම ඉදිකිරීම සිදුකිරීමට අපේක්ෂා කරන බවද පැවසීය.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කුලියාපිටියේ කොහු කම්හලෙන් ගැටලු රැසක්: ප්රදේශවාසීන්ගෙන් චෝදනා
රවින් Tuesday, 16 July 2019 04:28 AM
මෙවැනි අවස්ථාවලදී කලයුත්තේ රාජ්ය ආයතනවල අනුග්රහය ඇතිව පරිසර දුෂණය අඩුම වියදමකින් අවම කිරීමට අවශ්ය උපදෙස් එම කර්මාන්තය වෙත ලබාදීම මිස කර්මාන්තය වැසෙන තැනට වැඩ කටයුතු කිරීම නොවේ. හැමෝම තරයේ මතක තබාගත යුතු කරුණක් නම් කොහු කර්මාන්තය ලංකාවේ ආර්ථිකයට සැහෙන වැඩ කොටසක් කරපු කර්මාන්තයක් බව.