(කාංචන කුමාර ආරියදාස)
දඹුල්ල කණ්ඩලම ජලාශයේ ජලය මේ වන විට පිරී ඇතැත් වැව යටතේ වගා කර ඇති කුඹුරු සහ ගොඩ බෝග වලට ජලය නිකුත් කිරීම සිමා කිරීම හේතුවෙන් ගොවිතැන් බත් සියල්ල විනාශවීමේ අවදානමකට ලක්ව ඇතැයි ගොවීහු චෝදනා කරති.
මේ වන විට කණ්ඩලම වැව යටතේ ඇති කුඹුරු සහ ගොඩ ඉඩම් සඳහා 40% ක වගා කිරීමට ජලය ලබාදෙන බව මහවැලි අධිකාරිය පැවසූ බව ගොවීන් කියති.
එහෙත් පැවැති අධික වර්ෂාවත් සමඟ කණ්ඩලම වැව සම්පූර්ණයෙන්ම පිරී තිබෙන බවත් වාන් දැමීම ආසන්නම මට්ටමට පිරී ඇති බව ගොවීන් කියති . ගොවීන් තම කුඹුරු වල වී ගොවිතැනත් සෙසු ප්රදේශ වල වෙනත් බෝග වගා කොට තිබේ.
මහවැලි අධිකාරිය යටතේ පවතින කණ්ඩලම ජලාශයේ ජලය වී වගාව සඳහා ලබා නොදී දින දහයකට වරක් පැය 24 ක පමණ කාලයකට සීමා කිරීම නිසා මේ වන විට වගා කර ඇති ගොඩ බෝග සහ වී වගාව සම්පූර්ණයෙන් ම විනාශ වීමේ තර්ජනයකට ලක්ව ඇති බව ඔවුහු පෙන්වා දෙති.
මේ වන විට කණ්ඩලම වැව ආසන්නයේ ම වගා කළ කුඹුරුවල පැලපත පවා මහ පොළොව ඉරිතලා වීනාශ වී ඇති අයුරු එහි ගිය අපට ද දැක ගැනීමට හැකි විය. එමෙන්ම මෙවර බිලුනු වගාව ද දඹුල්ල ප්රදේශිය ආරම්භ කොට තිබේ .ඒ සඳහා ද ප්රමාණවත් ජලය ලබා නොදීම කුමන්ත්රණකාරී ක්රියාවලියක් බව ගොවීන් චෝදනා කරති .
කලට වේලාවට ජලය ලබා නොදී සිටින්නේ මහවැලි අධිකාරියේ වෙනත් කුමන්ත්රණකාරී තත්ත්වයක් මත බව ගොවීහු චෝදනා කරති .දැඩි ලෙස මහවැලි අධිකාරිය විවේචනයට ලක් කිරීම ගොවීන් විසින් සිදුකරන අතර ඔවුන්ට දෙස් දෙවොල් තබමින් කෑකෝ ගැසීමද ද ඔවුහු අමතක නොකළහ. ගොවීන් සිය හිස මත අත තබා ගෙන ඉරි තලා ගිය ගොයම් පැළ පතේ සිට මහවැලි නිලධාරීන්ට දෙස් තබති.
ඇතැම් ගොවීන් කියා සිටින්නේ ඉදිරියේදී රට තුළ වී හිගයක් ඇති කොට විශාල ව්යාපාරිකයන් ගේ අවශ්යතාවයන් ඉටු කිරීම සඳහා මහවැලි නිලධාරීන් ඉතා සූක්ෂම ලෙස වී වගාවන් ලුණු වගාවන් විනාශ කිරීම සිදු කරන බවය.
අප මේ පිළිබඳව මහවැලි විෂයභාර සිටි රාජ්ය අමාත්ය රොෂාන් රණසිංහ මහතා ගෙන් දුරකථනය හරහා විමසුවෙමු. ඒ මහතා විනාඩි කිහිපයක් ඇතුළත නැවතත් ඇමතුමක් ලබාගෙන මහවැලි අධ්යක්ෂක ජෙනරාල් බි .ඒ .සුනිල් එස් පෙරේරා මහතා සම්බන්ධ කිරීම සිදු කළේය.
මහවැලි අධ්යක්ෂ ජනරාල්වරයා කියා සිටියේ තමා සෑම ප්රදේශයකටම ගොස් ගොවීන් සමග සහ නිලධාරීන් සමග සාකච්ඡා කොට අවශ්ය ප්රමාණයට ජලය නිකුත් කරන ලෙස දැනුම් දී ඇති බව ය. කෙසේද කන්ඩලමජලාශය යටතේ වගා කර ඇති කුඹුරු වලට ජලය නිකුත් නොකරන්නේ මන්දැයි යන්න සොයා බලන බවත් ගොවීන්ට යම් කිසි ප්රශ්නයක් ඇත්නම් තමාව ලිකිතව දැනුවත් කරන ලෙස ඒ මහතා ඉල්ලීමක් කළේය..
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කණ්ඩලම වැව පිරුණත් වගාවට ජලය නැහැ
SL Thursday, 28 May 2020 06:10 AM
මහවැලි අධිකාරියේ පින් පඩි ගන්න හරක්. මේ කුඹුරු සියල්ල ඉවරයි දැන්.
Shri Thursday, 28 May 2020 06:37 AM
මෙයාලට ලිඛිතව දන්වනවා ඇරෙන්න මේ අහිංසක ගොවීන්ට වෙන වැඩක් නැද්ද? තමන්ගේ වගකීම ඉෂ්ට නොකරන නිලදාරීන්ව සේවයෙන් පහ කරන්න. පුළුවන් සහ සුදුසුකම් තියෙන මිනිසුන්ගේ දුක තේරෙන කෙනෙකුට ඔය රස්සාව දෙන්න.