(හොරොව්පොතාන පැතුම් දර්ශන)
පහළ යාන් ඔය ව්යාපෘතියෙන් ඉඩම් අහිමි වූ ජනතාව අද (31) දහවල් හොරොව්පොතාන නගරයේදී උද්ඝෝෂණයක නිරත වූහ.
නියමිත ඉඩම් වන්දි නොලැබීම, ඉඩම් කට්ටි 47ක් වෙනුවෙන් ලැබී ඇති මිලියන 91ක මුදල බෙදාදීමට අමාත්යවරයාට දිනයක් ලැබෙන තුරු මාස දෙකකට වැඩි කාලයක් රඳවා තබා ගැනීම, නොයෙක් ගැටලු මැද ජීවත්වන ජනතාවට ලැබෙන වන්දි මුදල බෙදාදීම සඳහා කිලෝමීටර් 58ක් දුර ගෙවා අනුරාධපුර දිස්ත්රික් ලේකම් කාර්යාලයට කැඳවීම, වන අලි ගම් වැදීම සහ අලි ප්රහාරයෙන් මිනිස්සුන් මිය යාම යන කාරණා මුල් කරගනිමින් ඔවුහු මෙම උද්ඝෝෂණයේ නිරත වූහ.
පහළ යාන් ඔය ව්යාපෘතියෙන් ඉඩම් අහිමි වූ හොරොව්පොතාන ප්රාදේශීය ලේකම් කොට්ඨාශයට අයත්, පුහුදිවුළ, මාවතවැව, අලියාකඩ, වාගොල්ලාකඩ යන ප්රදේශවල විශාල පිරිසක් මෙම උද්ඝෝෂණයට එක්ව සිටි අතර ඒ හේතුවෙන් හොරොව්පොතාන නගරයට දැඩි ආරක්ෂාවක් යෙදවිමටද පොලිසිය කටයුතු කර තිබුණි.
හොරොව්පොතාන රෝහල ඉදිරිපිට සිට හොරොව්පොතාන බස් නැවතුම්පොළ ඉදිරිපිටට පා ගමනින් පැමිණි උද්ඝෝෂකයෝ එම ස්ථානයේදී උද්ඝෝෂණයේ නිරත විය. නගරයේ සති පොලද එදින පැවැත්වුණු නිසා විශාල ජනතාවක් නගරයට පැමිණ සිටි අතර ඒ හේතුවෙන් තරමක වාහන තදබදයක් ද ඇතිවුණු මුත් පොලිසිය මැදිහත් වී රථවාහන මෙහෙය වූ නිසා කිසිවෙකුටවත් කරදරයක් නොවීය.
උද්ඝෝෂකයෝ චෝදනා කළේ විෂය භාර අමාත්යවරයා වගකීමෙන් තොරව කටයුතු කිරීම නිසා තමන් කබලෙන් ලිපට වැටී සිටින බවයි. හරිහමන් බත් වේලක් කන්න නැතිව සිටියදී බෙදාදීමට දිනයක් ලැබෙන තුරු ඇමතිවරයාගේ නියමයෙන් මාස දෙකකට වැඩි කාලයක් වන්දි මුදල් රඳවා තබා ගැනීම පිළිබඳව ජනතාව දැඩි අප්රසාදය පළ කළහ.
පොලිස් දැඩි ආරක්ෂාව මැද පැය එකහමාරකට අධික කාලයක් උද්ඝෝෂණයේ නිරත වූ උද්ඝෝෂකයෝ අවසානයේ වාරිමාර්ග අමාත්ය පී. හැරිසන් මහතාගේ නමින් හැදු පඹයෙකු පිලිස්සීමට ගත් උත්සාහය පොලිසිය විසින් නවතා දැමීය. පසුව උද්ඝෝෂණයේ නිරත වූ කාන්තාවන් පිරිසක් එම පඹයා කඩා බිඳ දමා පාගමින් හූ කියමින් කෑ ගැසූ අතර මද වේලාවකින් ඔවුහුද විසිර ගියහ.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඉඩම් අහිමි වූ ජනතාව හොරොව්පොතානේ උද්ඝෝෂණයක