( ලලිත් නවරත්න)
 
ආරච්චිකට්ටුව ප්‍රාදේශීය සභා මාසික රැස්විම අද ( 09)  දින පැවති අවස්ථාවේ කෙරෝනා ජාතික අරමුදල වෙනුවෙන් සියලු රජයේ නිළධාරීන්ගෙන් වැටුප්  කපාගැනීම සම්බන්ධයෙන් ඊට විරුද්ධව එක්සත් ජාතික පක්ෂ මන්ත්‍රිවරයෙකු  නැගූ වෝදනාවත් සමග සභාව ගැටුමක් ඇතිකරගැනීම දක්වා උණුසුම් විය. 
 
මෙම මාසික රැස්වීම සභාපති කන්දසාමි තෙච්චනාමූර්ති මහතාගේ  ප්‍රධානත්වයෙන් එම ප්‍රාදේශී සභා ශ්‍රවණාගාරයේදී පැවත්වීය.
 
 මෙම චෝදනාව ඉදිරිපත් කරනු ලැබුවේ ආරච්චිකට්ටුව ප්‍රාදේශීය සභාවේ  එ. ජා. ප  මන්ත්‍රී ආර්. පී. විජේතුංග මහතායි.
 
එහිදී ඔහු පවසා සිටියේ මේ වසංගත කාලයතුළ රුපියල් 5000 දීමනාවත් නොලබපු රජයේ සේවකයින් ලයිට් බිල්ල  ජලබිල්ල  ණයවාරිකල  කෑමබිම ඇතුලු සියලු වියදම් දැරියයුතු බවයි.

අමතර ආදායමක්ච නොලබන එම සේවකයින් අසරණ වී ඇති අවස්ථාවක මෙවන් මුදලක් කපා ගැනීම අසාධාරණ බව ඔහු වැඩිදුරටත් පවසා සිටියේය.
 
තවද එ.ජා.ප සියුල මන්ත්‍රීවරුන් වරියන් සහ ජ. වි. පෙ. මන්ත්‍රීවරයා මෙම ආධාර මුදල තම වැටුපෙන් කපා නොගන්නා ලෙසටද ප්‍රාදේශිය ලේකම්වරිය වෙත ලිපියක්ද ඉදිරපත් කළබව එම ලේකම්වරිය සභාව  හමුවේ පවසා  සිටියාය. 
 
එම චෝදනාවට විරුද්ධදව අදහස් දැක්වූ කෝපයට පත් ජගත් සමන්ත පෙරේරා ප්‍රමුඛ සියලුම පොදුජන පෙරමුණ මන්ත්‍රීවරු පවසා සිටියේ කිසිම රාජ්‍ය නිළධාරියෙකුගෙන් බලයෙන් මුදල් කපා නොගත් අතර එම  මුදල සිය කැමැත්ත මත පමණක් ලබාගත් බවයි.  අවසානයේ එක්දිනක වැටුප පමණක් කපාගැනීමට එ. ජා. ප කණ්ඩායම එකඟතාවය පළකිරීමෙන් අනතුරුව තෙපක්ෂයම සභාවේ කටයුතු ඉදිරියට පවත්වාගන ගියේය.