(සිතුම් චතුරංග)
වවුනියාව පුලියංකුලම පූතූර් කෝවිලට ආසන්න ප්රදේශයේදී අත්බෝම්බ හා පිස්තෝලයක් රැගෙන එමින් සිටියදී පොලිස් නිලධාරීන් දැක පලාගිය සැකකරු සොයා අද (02) පුලියංකුලම ප්රදේශයේ පැය 17ක විශේෂ සෝදිසි මෙහෙයුමක් සිදුකළ බව පුලියංකුලම පොලිසිය පවසයි.
වවුනියාව පොලිස් ස්ථානයේ නිලධාරීන් 65 දෙනකු, පොලිස් විශේෂ කාර්ය බලකායේ සහ යුද හමුදාවේ සෙබලුන් 170 දෙනකු පොලිස් නිල සුනඛයන් යොදාගෙන මෙම මෙහෙයුම සිදුකළ අතර සැකකරු අත්අඩංගුවට ගැනීමට නොහැකි වූ බව පොලිසිය කීය.
ඊයේ (01) පොලිස් බුද්ධි අංශ නිලධාරින් පිරිසකට සැකකටයුතු පුද්ගලයකු පිළිබඳ ලැබුණ තොරතුරක් මත පුලියංකුලම පොලිස් ස්ථානයේ නිලධාරීන් සිව්දෙනෙකු වැටලීම සිදුකොට සැකකරු පරීක්ෂා කිරීමට උත්සහ කිරීමේදී සැකකරු රැගෙන ආ ගමන් බෑගය අතහැර පලාගොස් තිබේ.
එම ගමන්මල්ල පරීක්ෂා කිරීමේදී විදේශ රටක නිෂ්පාදිත අත්බෝම්බ හතරක්, මයික්රෝ වර්ගයේ පිස්තෝලයට යොදන ජීව මිලිමීටර් නවය උණ්ඩ 18ක්, එම පිස්තෝලයේ පතුරම් තොගයක්, මාලිමා යන්ත්රයක්, ස්මාට් වර්ගයේ ජංගම දුරකථන දෙකක්, ජංගම දුරකථන උපාංග, මඳුරුවන්ගෙන් ආරක්ෂා වීම සඳහා ඇඟ ගල්වන ක්රීම් වර්ග, හදුනානොගත් බෙහෙත් ද්රව්ය, පිස්තෝල සඳහා යොදන ලිහිසි තෙල්, දත්බෙහෙත්, ජංගම දුරකථන අරෝපණයට විශේෂයෙන් සකස්කළ උපකරණයක් ඇතුළු උපකරණ රාශියක් සොයාගත් බව පොලිසිය කීය.
පුපුරණ ද්රව්ය රැගෙන ආ සැකකරු කිසියම් අපරාධයක් සඳහා සූදානමින් පුපුරණ ද්රව්ය හා පිස්තෝල රැගෙන පැමිණෙන්නට ඇති බවට සැක කරන බවත් ගමන් මල්ලෙහි තිබූ පුපුරණ ද්රව්ය හා උපකරණ පරීක්ෂා කිරීමේදී ඔහු ගිනි අවි සඳහා පුහුණුව ලැබූ අයකු බව සොයාගැනීමට හැකි වූ බවත් පොලිසිය සඳහන් කරති.
සොයාගත් ජංගම දුරකථන ඔස්සේ සිදුකළ විමර්ශනවලට අනුව සැකකරු මේ වන විට හඳුනාගෙන ඇති අතර ඔහු එල්.ටි.ටි.ඊ සංවිධානයේ බුද්ධි බලකායේ සිටි යාපනය ප්රදේශයේ පදිංචිකරුවකු බවද පොලිසිය පැවසීය.
එම පුද්ගලයා නිරන්තරයෙන් පුලියංකුලම හා මන්නාරම ප්රදේශයේ සැරිසරා ඇති බවට තොරතුරු අනාවරණය වූ බවද පොලිසිය පැවසීය.
පොලිසිය වැඩිදුරටත් පැවසූයේ සැකකාර පුද්ගලයාගේ අරමුණ ආරක්ෂක මුරපොලක් වෙත හෝ ආරක්ෂක අංශ නිලධාරීන් කණ්ඩායමක් ඉලක්ක කොට පහරදීම බවට සැක කරන බවත් හමුවූ ගිනි අවිය ප්රහාරයක් සඳහා සූදානම් කොට තිබූ බවත්ය.
පිස්තෝලය නිරන්තරයෙන් භාවිතා කොට ඇති අතර එහි තිබෙන අංක සැකකරු විසින් මකාදමා ඇත.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ආයුධ රැගෙන ආ පුද්ගලයා සොයා පැය 17 ක මෙහෙයුමක්