හිරාන් ප්‍රියංකර ජයසිංහ 

                               
ආණමඩු නගරයේ කළහකාරි ලෙස හැසිරී පුද්ගලයකුට පහරදීම සම්බන්ධයෙන් චෝදනා ලැබූ ආණමඩුව ප්‍රාදේශීය සභාපතිවරයා ඇතුළු සැකකරුවන්  6 දෙනෙකු සඳහා එක් අයකුට රුපියල් 50,000ක බැගින් ශරීර ඇප දෙක බැගින් නියම කර ඇප මත මුදා හැරීමට ආණමඩුව මහේස්ත්‍රාත් ජනනී එස්. විජේතුංග මහත්මිය අද (16) නියෝග කළාය.

මෙසේ ඇප මත නිදහස් කෙරුණේ ආණමඩුව ප්‍රාදේශීය සභාවේ සභාපති ශ්‍රී ලංකා පොදුජන පෙරමුණ ප්‍රියන්ත රාජකරුණා, සරත් බන්දුල, ජගත් විරසේකර, සුමිත් පුෂ්පකුමාර, ඩබ්ලියු. ඕ.ටී.ජයකොඩි,ජේ.ඒ.සනත් කුමාර යන අයයි.

 සභාපතිවරයා ඇතුළු සැකකරුන් හය දෙනා ඉකුත් 13  දින රාත්‍රියේ  ආණමඩුව නගරයේ  කළහාකාරීව  හැසිරී  එක්සත් ජාතික පක්ෂ ආධාරකරුවකුට පහර දුන් බවට ආණමඩුව පොලිසිය ලද පැමිණිල්ලක් මත මෙසේ අත්අඩංගුවට ගෙන ආණමඩුව මහෙස්ත්‍රාත් අධිකරණයට ඉදිරිපත් කිරීමට ආණමඩුව පොලිසිය කටයුතු කර තිබිණි. 

එහිදි අධිකරණය හමුවේ කරුණු දක්වමින් ආණමඩුව පොලිස්ථානාධිපති ප්‍රධාන පොලිස් පරික්ෂක උපාලි රත්නමලල මහතා සමග පොලිස් කොස්තාපල් 24055 අතපත්තු යන මහත්වරුන් අධිකරණය හමුවේ කරුණු දක්වමින් පවසා සිටියේ සැකකාර සභාපතිවරයා ඇතුළු පිරිස අයුතු ජන  රාශීයක් ලෙස රැස්වී පුද්ගලයකුට පහරදීම සහ මන්නයක් සන්තකයේ තබා ගැනිමට චෝදනා ලැබ ඇති බවයි.

 
එසේම නැවත 2019 ජනවාරි 13 දින අධිකරණයේ පෙනී සිටින ලෙසට අදාළ සැකකරුවන්ට මහෙස්ත්‍රාත්වරිය නියෝග කෙරුණි.