අලි තිදෙනකු මරා දමන්නේ යයි සූරියවැව ගම්වැසියෝ තර්ජනය කරති

(දිලීප් ජයසේකර)

සුරියවැව බෝගහඉදිවැව ගම්මානයට නිතර කඩා පැන නිවාසවලට හානි කරන අලි තිදෙනා අල්ලාගෙන යාමට වගකිවයුතු බලධාරීන් සතියක් තුළ කටයුතු නොකරන්නේ නම් නම් ගම්වාසීන් එකතු වී මෙම අලි තිදෙනා මරා දමන බව ප්‍රදේශවාසීහු කියති.

පසුගිය දින 04 තුළදී වන අලි පහර දිම් හේතුවෙන් නිවාස 10ක් පමණ හානි වී ඇතැයි ද ඔවුහු පවසති.

මේ සම්බන්ධයෙන් වගකිවයුතු පාර්ශව කොතෙකුත් දැනුවත් කළද මෙතෙක් කිසිදු පලක් නොවු බවද ගම්වාසීහු පවසති. මෙම වන අලි තිදෙනාගෙන් එක අලියෙකු නිවෙස් කඩා හාල් කෑමට පුරුදු වී සිටින බවද කියති.

මෙම අලි තිදෙනා අල්ලා ගැනීමට අවශ්‍ය කටයුතු සිදුකරමින් සිටින බවත් පසුගිය දින කිහිපයේම බෝගහඉදිවැව ගම්මානයේ නිළධාරීන් රාජකාරියේ නිරත වී සිටි බවත් හම්බන්තොට අඩවි වන සහකාර නිලධාරී විජයකුමාර මහතා පවසයි.

නමුත් ගම්මුන්ගෙන් රාජකාරියට බාධා එල්ල වීම නිසා එහි අලි මෙහෙයුම් තාවකාලිකව නතර කළ බවත් නිලධාරීන්ගේ රාජකාරියට බාධා කිරීම ගැන සුරියවැව පොලිසියට පැමිණිලි කළ බවත් ඒ මහකා කියයි.

(පසුගිය දින කිහිපය තුළදි වන අලින් බෝගහඉදිවැව නිවෙස් කඩා දමා ඇති අයුරු)

අදහස් (5)

අලි තිදෙනකු මරා දමන්නේ යයි සූරියවැව ගම්වැසියෝ තර්ජනය කරති

රජින්ද Tuesday, 25 April 2017 07:48 AM

ඉස්සෙල්ලම පරිසරයට දැඩි හානි කරමින් සත්ව අභයභූමි බලහත්කාරයෙන් ගිනි තබමින් හේන් කරන මේ ගම්වල ඉන්න 'ගැමියන්' යයි කියාගන්නා අයව අත්අඩංගුවට ගත යුතුයි. මහා වනාන්තරවල ගෙවල් අටවාගෙන අන්තිමේදී වන සත්තු පලවා හරින්න යයි කීමට කිසිවෙකුට අයිතියක් ඇත්තේ නැත. එසේම, විල්පත්තු මහා විනාශය කළවුන් ඉක්මනින්ම ස්වභාවධර්මයේ නියමයන්ට යටත් වනු ඇතැයිද දනිමු.

: 18 220

Buddhi Tuesday, 25 April 2017 11:54 AM

සමහර අය කෑගහනවා සිංහල අයට දරුවෝ 5,6 හදන්න කියල. ලංකාව දැනටම ලෝකයේ වැඩිම ජන ගණත්වය තියෙන රටවල් 20 න් එකක්. දැන්ම ජනගහන වැඩිවීම පාලනය නොකරොත් මේ වගේ දේවල් දිගටම වැඩි වේවි. හොඳම වැඩේ දැන් නීති තුලින් හෝ දැනුවත් කිරීම් තුලින් ජනගහන වැඩිවීම පාලනය කරන එකයි. විශේෂයෙන් මුස්ලිම් ජනගහනය වැඩිවීම පාලනය කිරීමට නීති ගෙන ඒම ඉතාම වැදගත්. එමගින් ජනගහන අනුපාතය දිගට පවත්වා ගත හැකි වේවී. පුංචි පවුල රත්තරන් කියමන ඉතාම නිවැරදියි. එය මුස්ලිම් ඇතුළු සෙසු ජාතින්ටද නීති මගින් හෝ හඳුන්වා දීම කලයුතුමයි. එය රජයේ වගකීමක්.

: 60 374

nimallalitha Wednesday, 26 April 2017 02:00 AM

බුද්ධි ඔබ හරියටම හරි .....රජින්ද නැති බැරි මිනිස්සු කැලා කොටගෙන පැල් අටවාගෙන දුක් විදින්නේ ජිවත් වෙන්න. ඔබේ වචනයෙන් ගම්වල ඉන්න ගැමියන් යැයි කියා ගන්න අය ඇත අඩංගුවට ගන්න කියන්න පෙර මේ මිනිසුන්ගේ ජිවත් වීමේ ප්‍රශ්නය විසදන ලෙසට පාට කුමක් වුවත් ඔබ පුදන දෙසපලුවන්ට කියන්න. ඔබ,ඔබේ දරුවෙකු,බිරිඳ හෝ සමීපතමයෙකු පසු පස වල අලියෙකු හෝ වෙනත් සතෙකු පන්නන අවස්ථාවක ඔබේ අතේ තුවක්කුවක් තිබේ නම් ඔබ නිකන් සිටිනවාද ?

: 1 74

sahan Thursday, 27 April 2017 01:56 AM

අලින්ගේ කැලේ ගෙවල් හදල, දැන් අලි මරන්න කතා කරනවා, මුන් මිනිස්සු නොවේ.

: 127 1

neil Tuesday, 09 May 2017 12:01 PM

ගම්මු හරියට හරි අවසාන විසඳුම ඒක තමා. ඔය බෙරිහන්දෙන කාටත් ඔහොම උනොත් උත්තරේ ඕක තමා

: 0 0