හිරාන් ප්‍රියංකර ජයසිංහ

 

නවගත්තේගම ඉගිනිමිටිය හමන්ගල්ල ප්‍රදේශයේ  ගොවියකු කුඹුරක නියරවල් සකස් කරමින් සිටියදී පතිත වු අකුණු සැරකට ලක්ව අද (18) මරණයට පත්ව තවත් අයකු කම්පනයෙන් නවගත්තේගම රෝහලට ඇතුළත් කර ඇති බව නවගත්තේගම පොලිසිය පවසයි.

මෙසේ මරණයට පත්ව ඇත්තේ නවගත්තේගම හමන්ගල්ල පදිංචිව සිටි (52) හැවිරිදි එක් දරු පියෙකි.

අකුණු සැරට ලක්වු ගොවින් දෙදෙනා අකුණු සැරට ලක්ව කුඹුරේ වැටී සිටියදී නවගත්තේගම රෝහලට ඇතුළත් කර ඇතත් ඒ වන විටත් එක් අයකු මරණයට පත්ව සිටි බව කියයි.

බරපතල ලෙස කම්පනයට ලක්වු අනෙක් තැනැත්තා නවගත්තේගම රෝහලේ ප්‍රතිකාර ලබන බවත් ඔහුගේ තත්වය බරපතල නොවන බවත් රෝහල් ආරංචි මාර්ග පවසයි.