සුමතිපාල දීයගහගේ 
 
පාර්ලිමේන්තු වරප්‍රසාද සහ ස්ථාවර නියෝග කඩකරමින් ප්‍රජාතන්ත්‍ර විරෝධීව කටයුතු කරන ශ්‍රී ලංකා පාර්ලිමේන්තුවේ වත්මන් කතානායකවරයා එම ධූරයෙන් ඉවත් කිරීමට සුදුසු ක්‍රියාමාර්ග ගන්නා ලෙස ජනාධිපති මෛත්‍රීපාල සිරිසේන මහතාගෙන් ඉල්ලා සිටීමේ යෝජනාවක් අද (19) පැවති හබරාදුව ප්‍රාදේශීය සභාවේ මාසික රැස්වීමේදි ඒකමතිකව සභා සම්මත විය.


ප්‍රාදේශීය සභාවේ සභාපති දිල්ෂාන් විදානගමගේ මහතාගේ ප්‍රධානත්වයෙන් පැවති මෙම රැස්වීමේදී උප සභාපති බන්දුපාල අබේකෝන් මහතා විසින් විශේෂ යෝජනාවක් ලෙස  මෙම යෝජනාව සභාවට ඉදිරිපත් කරනු ලැබීය. 


මෙම යෝජනාව සභාවට ඉදිරිපත් කරන අවස්ථාවේ පොදුජන පෙරමුණේ මන්ත්‍රීවරුන් 15 දෙනා සහ එක්සත් ජනතා නිදහස් සන්ධානයේ මන්ත්‍රීවරුන් සිව්දෙනා සභාවේ සිටි නමුත් එක්සත් ජාතික පක්ෂයේ මන්ත්‍රීවරුන් හය දෙනා සහ ජනතා විමුක්ති පෙරමුණේ මන්ත්‍රීවරුන් දෙදෙනා සභාවෙන් පිටව ගොස් සිටියහ.