(ජේ.කේ.එල් චාමින්ද)


මිටියාගොඩ ප්‍රදේශයේ පුද්ගලයකුට වෙඩි තබා මනුෂ්‍ය ඝාතනයක් කිරිමට තැත්කොට වසර 10ක් තිස්සේ  සැගවී සිටි අයෙකු  කරාපිටිය ප්‍රදේශයේ දි අත්අඩංගුවට ගත්බව ගාල්ල කොටුව නීතීය බල ගැන්විමේ ඒකකය පවසයි.


සැකකරු ඔහුගේ සහෝදරයා සමඟ ගොස් සැකකරුගේ බිරිදගේ සහෝදරයාට  2009 වසරේදි වෙඩි තබා තුවාල සිදුකර මනුෂ්‍ය ඝාතනයක් කිරිමට තැත්කොට තිබුණි. මෙම සිද්ධියෙන්  පසු මෙම සහෝදරයින් දෙදෙනා  ප්‍රදේශයෙන් පලාගොස් කටුනායක ප්‍ර දේශයේ රැකියවක් කරමින් සිට ඇත.


පසුව මොවුන් දෙදෙනා විදේශතව සිට මෙරටට පැමිණ තිබේ.එක් අයෙකු විදේශතව සිට වසර 05කට පමණ පසු පැමිණ තිබේ.අනික් පුද්ගලයා වසර 07කට පමණ පසු පැමිණ ඇති බව පොලිසිය කියයි.


මෙම සහෝදරයින් දෙදෙනාගෙන් බාල සහෝදරයා  පොලිසිය මගින් අත්අඩංගුවට ගෙන ඇති අතර ඔහු වෙළදසැල්වලට කිරි පැකට්  දැමිමේ ව්‍යාපාරයක් පවත්වාගෙන ගොස් ඇත. කරාපිටිය රෝහලේ  කිරිහලකට කිරි පැකට් දැමිමේදි මොහු අත්අඩංගුවට ගෙන ඇත.

සැකකරු වැඩිදුර පරික්ෂණ කටයුතු සදහා මිටියාගොඩ පොලිසියට භාරදි ඇත.සැකකරු 35 හැවිරිදිවියේ පසුවු අයෙකි.