(ගාමිණී බණ්ඩාර ඉලංගන්තිලක)

තලවකැලේ හොලිරූඩ් වත්තේ ගිනි ගැනීමට ලක් වූ නිවාස වෙනුවට නව නිවාස 24 ක් අමාත්‍ය පළනි දිගම්බරන් මහතාගේ කඳුරට නව ගම්මාන අමාත්‍යංශය මගින් ඉදි කර දීමට පියවර ගන්නා බව නුවරඑළිය විශේෂ ප්‍රාදේශීය සංවර්ධන අමාත්‍ය වී.රාධාක්‍රිෂ්ණන් මහතා පැවැසීය.

තලවකැලේ හොලිරූඩ් වත්තේ ගිනි ගැනීමට ලක් වූ නිවාස පිළිබඳව සොයා බැලීමේ නිරීක්ෂණ චාරිකාවකට අද (31) සහභාගී වෙමින් ඒ මහතා එසේ කීය.  

එහෙදී වැඩි දුරටත් අදහස් දැක්වූ ඒ මහතා මෙසේද පැවැසීය.

      “අවතැන්ව සිටින සියළුම දෙනාට අවශ්‍ය සියළුම ආධාර, උපකාර හා පහසුකම් මේ වනවිට රජය මගින් සපයා දී තිබෙනවා. නව නිවාස සකස් කර දෙන තෙක් ඔවුන් දැනට තාවකාලිකව නැවැතී සිටින සංස්කෘතික මධ්‍යස්ථාන ගොඩනැගිල්ලේ තාවකාලික කාමර තැනීම සඳහා පියවර ගන්නවා. ඒ සඳහා තම අමාත්‍යංශය මගින් රුපියල් ලක්ෂ දෙකහමාරක මුදලක් ලබා දීමට පියවර ගන්නවා යයිද කීය.”